الكاتب احمد محمود محمد قصة بعنوان شقة505
شــــــــقه 505
بقلم.احمد محمود محمد
صراخ واحده بتثتغيث واصوات مرعبه وشخص ماسك سكينه وخارج من عماره وملامحه مش باينه والسكينه بتنقط دم... وراح دفنها تحت شجره
ده الكابوس اللى بيطاردنى بقاله اكتر من اسبوع واللى حول حياتى لجحيم تااام بعد غياب مريم عن حياااتى تخيل لما تبقا بتحب روح واحده والروح دى كمان بتحبك
ممكن تعرض روحك للخطر علشانها.. ممكن تأذى حد بسببها... تخيل معايا لما تبقا بتقابل واحده وبتكلمها وبتمسك ايديها وبتحبها بجنون وفجأه الواحده دى تختفى خالص من حياااتك... وتكتشف انها ماتت من اكتر من سنه. ممكن تتصرف ازاى؟
ونبدأ قصتنا
على بيحكى قصته وبيقولنا انا حبيت بنت اسمها مريم وكنا فرحانين بحياتنا اوى كانت بتحبنى وانا والله حبيتها.. كنا بنتقابل كتير وكنا بنتكلم فيديو كول كتير وارقامها الاتنين عندى ... وخلاص حددنا يوم معين علشان اروح اخطبها اخدت والدتى ورحنا بيتها.. بنخبط على الباب محدش، بيفتح كانت عماره قديمه بس فيها ناس وكانت صحبه العماره ست عجوزه ولحسن الحظ ان صاحبه العماره كانت شقتها قدام شقه مريم
وخرجتلنا وقالت انتوا مين؟
فقلت. مساء الخير ياحجه. هيا مريم فين؟
مريم... مريم مين دى؟
اللى ساكنه فى الشقه دى يحجه
لاااا. مفيش حد ساكن ف العماره هنا بأسم مريم خالص
ازاى يحجه دى هيا مأكدالى
يبنى بقلك محدش هنا اسمه مريم انا صاحبه البيت وعارفه سكانه كلهم والشقه دى مقفوله من سنين ومحدش بيرضا يسكنها خالص
فقالت امى للست دى ليييى ياحجه؟
معرفش. ويلا اتفضلوا من هنا
امى قالتلى. انتا متأكد يواد ان ده العنوان
اه والله ياامى
اومال ايه اللى حصل رن عليها كده نشوف ايه الحكايه
مغلق .. انا بدأت اقلق ياامى
متقلقش يبنى انشاء الله ربنا يجيب العواقب سليمه.. يلا بينا نمشى
يوم والتانى والتالت ومريم اختفت فص ملح وداب.. وبرن مغلق.
قاعد بفكر فيها فجأه جاتلى رساله ان الرقم اتفتح.. رنيت ردت علياا ست عجوزه بقلها مساء الخير يا فندم
مساء النور مين حضرتك؟
انا عاوز مريم
مريم... مريم مين دى النمره غلط
المهم قفلت ورنيت تانى... رد عليا راجل كبيرا ف السن وده اتأكدت انه مش رقم مريم لان مريم والدها متوفى
قلتله عاوز مريم لو سمحت.. رد بصوت هادى جدا وقال.. لا معرفش حد بالاسم ده وقفل السكه..
رنيت على الخط التانى.. بتاعها.. ردت عليا بنت بقلها ازيك يا مريم وحشتيني
قالت. انا مش، مريم النمره غلط...
قفلت ورنيت نفس الرقم لقيته مرفوع من الخدمه.. ازاى دى واحده لسه راده
رحت الشركه استعلم عن الرقمين لقيتهم مرفوعين من الخدمه من اكتر من سنه ونص
بقله لموظف الشركه ان فيه حد رد عليا منهم امبارح
قال. مستحيل يافندم دول مرفوعين من الخدمه ثوانى اثبتلك وجابلى ورقه فيها اخر مكالمه كانت تقريبا من سنه وشهرين تحديدا وكانت حوالى 10 دقايق
حاولت اعرف اسم صاحب الخطين
قال.. الاتنين يافندم بأسم مريم محمد عبدالرحمن
فعلا ده اسم مريم يبقا ازاى مرفوع من الخدمه من سنه ونص تقريبا رجعت البيت وانا القلق والخوف دخل دخل دماغى واستحوذ على قلبى كنت هموت من القلق ومش عارف افكر ازاى ولا اعمل اى ..
بالصدفه قلت افتح الصور القديمه بتاعتى لقيت كل صور مريم اتمسحت نهائيا ملهاش، اى أثر... كل محادثاتنا على واتساب وانستا اتمسحت
المكالمات وسجلها اتمسح كنت مسجل مكالمه لينا مع بعض قبل كده اختفت من على جهازى.. خالص. قلت عادى انا اصلا متعود احفظ كل بياناتى اول بأول على الايميل بتاعى دخلت على الايميل اتفجأت انه مسجل خروج. بدخل الباسورد خطا مع انى متأكد مليون فى الميه انه صح...
المهم بعد محاولات كتيره فتح الجيميل والنسخه الاحتياطيه بتاعت الصور والفيديوهات اتمسحت...
رجعت ابص للرقم هوه كمان وفعلا زى ما توقعت اتمسح خالص من جهازى زى ما كل حاجه اتمسحتت... معقوله اللى بيحصل ده
عدا تلات ايام تانى ولا كأن كان فيه مريم فى حياتى.. ولا اى دليل يثبت وجودها الا الخطين وكان لازم اروح الشركه اخد ورقه فيها التفاصيل والاسم علشان امى تقتنع.. لانها كانت مفكرانى بكدب او بيتهيألى
رجعت الشركه. ولقيت واحد تانى غير اللى شفته اول مره.
بقله لو سمحت عاوز استعلم عن الرقم ده. وقلتله الرقم لانى كنت حافظه.
قال. للأسف يا فندم مفيش اى شبكه مسجله الرقم ده
يعنى اييييه؟
يعنى الرقم ده يافندم مش موجود اصلا..
يعنى ايه مش، موجود؟
زى مابقولك كده يافندم
انا متأكد انه موجود انا كنت هنا اول امبارح.. وكان فيه واحد هنا اسمه سعد. هوه اللى استعلملى عن الرقم
يافندم مفيش اى حد هنا اسمه سعد خالص
اززاى.. انا متأكد كان مكتوب على شارته اسم سعد
يافندم.. انا بس اللى هنا انا وواحد صاحبى تانى اسمه محمد
فين محمد ده ممكن اشوفه؟
اه طبعا يافندم لحسن حظك هوه لسه جاى يسلم ورديه اهوه هناك يافندم
ببص عليه مفيش ادنى شبه بينه وبين سعد ده... بقله طيب فيه كاميرات هنا..
قال اه يافندم غرفه الكنترول اول غرفه اخر الممر ده ع الشمال
رحت الغرفه وجبت الفيديو والوقت اللى كنت فيه غريبه فى الوقت ده
كان موجود محمد اللى لسه شايفه بره وانا مش ظاهر خالص... محدش جه الشركه ف الوقت ده
انا كنت هتجنن معقوووله. يعنى انا اصلا مجتش ولا ده حلم
لا لا ده حقيقيه... لا حلم
رجعتت بيتنا وانا حزين كل الحزن على فراق الانسانه الوحيده اللى حبيتها بجد
وعلى كل اللى حكيته ده واللى مش لاقى ليه اى تفسير منطقى ابدااا
نمت وانا زعلاننن وصحيت على كابوس مفزع
شفت نفسى قدام عماره افتكر انى شفت العماره دى قبل كده...
وشفت واحد خارج من العماره دى ماسك فى ايده سكينه بتنقط دم... بس قبل خروجه من العماره انا كنت سامع صوت واحده بتثتغيث... بتصوت جامد ومره واحده صرخت صرخه قويه والصوت سكت خالص وبعدها بدقائق نزل الشخص ده ودفن السكينه تحت الشجره انا مكنتش عارف احدد ملامحه لان الدنيا كانت ليل وظلام دامس ومش شايفه وفيه شيخ كده دقنه بيضه واقف بعيد ولابس ابيض وبيهز راسه يمين وشمال كأنه بيلومنى وفجأه الشيخ ده بدأ يصرخ وعيونه اتخيطت بأبره حديد وبقا مش شايف
بس لاحظت حاجه غريبه ان مفيش غير شقه واحده بس ف العماره اللى منوره تقريبا ف الدور التالت... وصحيت مفزوع من الحلم...
ببص ناحيه مرايتى لقيت ورقه من القديم جدا.. ورق الباردى الاصفر... مكتوب عليها لو فعلا بتحبنى دور على اللى قتلنى....
يتبع...
الجزء التاني
شقـــــــه 505
اعصاااابى خلاص هتنفجر ياترى الرساله دى من مين؟
ومين اللى اتقتلت دى.. وايه الحلم الفظييع ده اللى انا حلمت بيه
الرساله دى ليا انا ولا ايه
خلاص دمااااغى هتنفجر معدتش قادر استحمل 🙂💔
مكنتش عارف اعمل ايييه دخلت الحمام اغسل وشى وافوق كده.. ببص ع المرايه فجأه لقيت كلمه بدأت تتكب قدامى بالدم الاحمر الغامق ده..
(لو بتحبني بجد دور على اللى قتلنى)
لا لا كده جنان صرخت بصوت عالى جاتلى امى
امى امى اممم امى اممى
مالك يبنى فيك ايه...
ببصصصى ببببصى على المممرررااايييه هه هه
مالها يبنى مفيهاش حاجه اهى
المهم اغمى عليا وصحيت على نفس الكاابوس اللى حلمت بيه قبل كده والمره دى وانا بصرخ وبقووول مريم
وامى كانت جمبى
فضلت تقرألى شويه قرأن وتدعيلى شويه وبعدها افتكرت ان العماره اللى ف الحلم دى اللى ساكنه فيها مريم
بس برضوا حبيت اتأكد شلت الغطاء من عليا وقمت بسرعه ورحت العماره دى وانا راكب عربيتى فيه رقم بدأ يظهر قدامى بنفس لون الدم اللى كان ع المرايا فى البيت رقم 505
انا برضوا شفت الرقم ده بس فين فين مش واخد بالى الصراحه
وصلت هناك وفعلا هيا العماره ياترى شقه مين دى ببص لقيت ان دى الشقه اه اهى تقريبا ف الدور التالت ركبت الدور التالت اللى فيه شقه مريم والرقم 505ده رقم الشقه
ياترى تفسير الحلم ده ايه المهم لسه جاى انزل لقيت صاحبه البيت خرجتلى تانى وقالتلى انا قلتلك متجيش هنا تانى
قلتلها مريم خطيبتى وعاوز اعرف هيا فين راحت داخله لجوه وقفلت الباب فى وشى من غير اى كلمه لما سمعت كلمه خطيبتى
نزلت ومروح على بيتنا بس مكنتش عارف ايه حكايه الكابوس ده اللى بيطاردنى ومين اللى اتقتل ومين الشيخ ده
بالصدفه اذان العصر قلت اصلى فى اى جامع وامشى
وبدأنا نصلى واحنا بنصلى لاحظت ان الامام اللى واقف شكله مش غريب عليا وافتكرت ان ده اللى انا شفته ف الحلم وفعلا ده اعمى
قربت منه وقلت السلام عليكم يامولانا
رد وقلى اقعد ياعلى
انا اتفجأت وقلتله انتا تعرفنى منين يشيخ؟
بص يبنى انا اعرف عنك كل حاجه الا حاحه واحده بس..... الحلم اللى انتا جاى تسألنى عنه قول يبنى انا سامعك
انا استغربت مين الراجل ده وايه حكايته بس انا كنت مستريحله وشه وسيم ويدخل القلب علطول وحكيتله كل حاجه حصلت معايا من اول مريم لحد الحلم
قال. انتا اللى فى ايدك خلاصها وانتا اللى تقدر تساعدها لانها اختارتك..
اساعد مين وخلاص ايه انا مش فاهم لقيت خادم الجامع بينده وبيقول. يلا يعم الشيخ صديق هنقفل الجامع
حاضر يلا بينااا
طيب ياعم الشيخ انا معرفتش انتا قصدك ايه..؟
صديق. متستعجلش يا على كله فى اوانه
عن اذنك يبنى..
على. اجى اوصلك ياحج
لا روح انتا علشان والدتك ولينا لقاء بأذن لله المهم قربت من خادم الجامع وبقله هوه ايه حكايه الراجل ده
قالى. عم صديق ده من اجمل واحلا الناس ف الدنيا كان متبنى بنت وكان بيشوف
وكانت البنت دى زى بنته بالظبط لأنه مخلفش مريم دى اتقتلت ولما حاول يدور على حقيقتها اتعمى ومحدش يعرف مين عمل فيه كده...
هيا اسمها مريم.
اه مريم الله يرحمهاااا
طيب شكرا الف شكر سلام عليكم
وعليكم السلام ورحمة الله وبركاته وبرضوا مكنتش عارف اللغز فين؟
بس مكنش قدامى حل غير انى اروح للشيخ ده تانى ولما سألت على بيته قالولى منعرفش بيته
قلت اسأل خادم الجامع ده يمكن يعرف
قلى. لا والله يااستاذ احنا منعرفش بيت عم صديق فين..
!!!! يعنى ايه راجل كفيف زى ده محدش يعرف مكان بيته ازاى اومال بياكل منين وبشرب منين مفيش حد بيساعده
لا منعرفش عنه اى حاجه خالص غير انه راجل تقى واحتراما لسنه بنخليه يصلى بينا...
فى يوم جيت ف المغرب وكانت الدنيا ليل شويه واستنيت لحد صلاه العشاء، وطلعت وفضلت ماشى وراه لحد ما دخل العماره اللى فيها شقه مريم
ولقيته ساكن ف اوضه ف البدروم بتاع العماااره.. المهم خبطت على باب اوضته
فتحلى بقله سلام عليكم يشيخ
لقيته زى ما يكون اتصدم وبدأت الدموع تنزل من عينه
وقال.. على انتا عرفت مكانى ازاى؟
مشيت وراك يعم الشيخ.. احكيلى بقا
احكيلك ايه يبنى؟
قلى مريم فييين؟
مريم اتقتلت يبنى.. انا مكنش ينفع احكيلك بس لازم احكيلك واجرى على الله
من سنتين ونص كنا عايشين انا ومريم بنتى اللى مربيها على ايدى من وهيا طفله.. ف العماره الملعونه دى فى
فى شقه 505 صح.
اه يبنى هيا دى.. فى يوم وانا جاى من صلاه الفجر سمعت مريم بتصرخ جامد دخلت الشقه ولقيت واحد موقعها على الارض ومعاه اتنين تانى واغتصبوها
ولما جيت ادافع عنها وانا راجل كبير زى مانتا شايف ضربونى على راسى مفقتش غير ومريم مقتوله وسايحه فى دمهااا
ولما رحت للشخص ده وهددته انى افضحه.. رش، عليا شويه مايه كانوا عليهم سحر طمسوا عيونى كده زى مانتا شايف
اه انا ملاحظ ياشيخ ان عيونك مغمضه
اه انا كده طول عمرى يبنى مطموس العيون بسبب سحر ملعون وقالى لو حكيت هترقد فى السرير
وانا عرفت اداه الجريمه فين.. بس كل اللى عاوز اعرفه افك اللغز ازاى ومين ده...
وفجأه لقيته بيتشنج قدامى وتعب ووقع منى على الارض...
نقلته على السرير كان تقريبا لسانه اتشل ومش عارف ينطق
وكتبلى على ورقه رقم ولما قريته لقيته رقم 505
رقم الشقه..
خلاص اخر امل ليا انى افك اللغز مبقاش بينكق واللى زاد كمان انه دخل فى غيبوبه...
انا مش عارف اعمل ايه.. هل اساعد البنت الغلبانه دى؟ ولا لا
هل اخلع واسيب الحوار وكأنه محصلش اصلا... عقلى بيقلى متكملش وقلبى وضميرى بيقولولى كمل هتقدر....
بقيت فى حيرع بس اخدت قرار لو
رجع بيا الزمن تانى كنت اخدته تانى وتالت ورابع انى ادخل الشقه دى ومبقتش خايف ايه اللى ممكن يحصلى...
بس عشان ادخل كان لازم اخلص من صاحبه البيت بس برضوا قلت مينفعش اقتلها انا هنومها بس لحد ماادخل واطلع براااحتتتى...
رحتلها الشقه وانا مخبى وشى بمجرد ما فتحت الباب ضربتها على راسها اغمى عليها
شيلتها ودخلت بيها الصاله وقعدتها على كرسى وكتفتها بالحبال كويس اوى...
وككمتها ببلاستر على بقها علشان متصرخش لو فاقت
لفت نظرى صوره ابنها اللى على حيطه الصاله. بس عادى خرجت واخدت المفاتيح وكل مفتاح مكتوب عليه رقم الشقه الخاصه بيه...
واخدت مفتاح شقه مريم ودخلت الشقه.. كأنها بقالها سنين مهجوره خيوط العنكبوت تسيطر على كل ركن من اركان الشقه... ف كل حته..
التراب كتير جدا.. وعلى الحيطان والشبابيك.. وفجأه ظهرلى عيل صغير.. بيضحك وبصلى وهرب بسرعه لجوه
جريت وراه لقيته دخل اوضه النوم واختفى.. وفجأه بدأت اشوف كل اللى حصل لمريم قدام عينى كأنى بتفرج على فيلم
وتلاته شباب اتنين ماسكينها وواحد بيعتدى عليهاا
لما قاومتهم وقامت تصرخ قام طعنها فى ضهرها بسكينه...
اكتر من عشرين طعنه متتاليه.. وماتت مريم.. ولقيت الاتنين اللى معاه.. شالوها وكفنوها وفى الحمام ورموها جوه البانيوا
ولقيته نازل ماسك السكينه وسكران على الاخر ونزل تحت الشجره ودفنهاااا واخد اصحااابه ونزل
وبعد تلات ايام جات الشرطه بعد ما الريحه طلعت واتقيدت الحادث ضد مجهوول
الشخص ده مين انا شفته قبل كده
اااااه ده ابن الست اللى متكتفه بره... دى
بس هوه فين.. بس قبل مااطلع من الشقه لقيت نفس الطفل جالى وبصلى وابتسم وبعدها اخدنى لاوضه تانيه مقفوله
وشفت مريم وبتكلمنى وبتقلى.
انة عارفه انى جرحتك بس زى ماهتساعدنى هساعدك ولازم تساعدنى انا وبابايا..
اعمل ايه؟
انا عوزاه هنا بنفسه هوه وامه اللى كانوا معاه وزى ما مريم سمعتها بقت وحشه وسط الناس لازم سمعتها ترجع زى ماكانت..
بس انا معرفهوش فين
هتعرف مكانه متقلقش.. واوعى تنسا انى حبيتك بجد. ومتقلقش مفيش اى شر هيصيبك واختفت
وبدأت الاوضه تتهز بيا جامد واشاره انى اخرج منها كأن ماسك فيها زلزال والنور الاحمر ملأ المكان. واصوات استغاثه من كل حته...
واتحولت الاوضه لوكر جن وخرجت بسرعه من الاوضه
ومكنش قدامى غير انى اعرف مكان الولد ده فين ودخلت شقه امه كانت لسه مفاقتش...
وعملت حوليها دايره من نار 🔥.. ولما فاقت اتخضت من الرعب.. وقالتلى انتا مين؟
انا واحد جاى يظهر الحق ويزهق الباطل.. ابنك فين؟
حق حق ايه ده وعاوز ايه من ابنى؟
اسمعى يا وليه انتى انا عرفت ان ابنك هوه اللى قتل مريم وعندى اداه الجريمه وعرفت انك انتى اللى هربتيه... انا عاوزه يجيلى هنا...
انا ابنى مات من زمن.
هههههه هتضحكى عليا انا انطقى يا وليه ابنك فين..
كندااا
حلو اوى هتتصلى بيه دلوقتي وتفهميه انك بتموتى ولازم يجى يطمن عليكى ولو سألك عن قضيه مريم قليله انها اتقفلت تماما ضد مجهول
ولما كلمته وفتحت المايك واتأكد من كلامها اخد طياره ورجع واما رجع لقانى مستنيه وقاعد على باب شقه امه بعيط
قالى انتا مين وفين ماما.. ؟
قلتله مامتك جوه نقلتها فى اوضتى جوه علشان حالتها صعبه والدكتوره معاها جوه
انتا مين؟
متقلقش يااستاذ كمال انا الساكن الجديد فى شقه 505.
اتفضل.. ودخلته وفعلا كانت امه على السرير جوه والدكتوره اختى بتكشف عليها...
والدكتوره اداتنى ورقه وقالتلى هاتلنا الدواء ده بسرعه.. لحد دلوقتي وكمال مشافش وش الدكتوره
لأنها كانت مدياله ضهره.. وانا واقف ورا الباب ولما سألها امى مالها...
بصتله بوش يرعب اسود وشاحب وعيونها حمراء وقالتله... متقلقش ماتت وشويه وهتحصلها
ولقيت كمال اتفجأ بيها وقال مريم انتتتى انتى لسه عاااايشه...
وقبل ماتعمل فيه اى حاجه ندهت عليا.. دخلت وقلتله فاكر عملت اى فى مريم رن على اصحابك اللى كانوا معاك يجوا هنااا بسرعه..
ورن عليهم فعلا استقبلتهم ع الباب وقلتلهم انا الساكن الجديد هنا وكمال ووالدته مغمى عليهم جوه. دخلوا بسرعه من غير اى استفسار
واتقفل عليهم الباب لواحده... من جوه.. وسمعت صوت صراخ جامد وصرخات مكتومه والدم بدأ يتسرب من تحت عقب الباب والحال ده فضل اكتر من نصف سااعه...
وانا واقف قدام باب الاوضه.. وهموت من الرعب..
.
وفجأه الباب اتفتح وشفت بعينى اللى مكنتش اتمنا اشوفه طول حياااتى..
الاربع جثث متعلقين ف الشقف وكل جثه منهم شايله راسها على ايديها والدم مغرق المكااان..
وفجأه لقيت البوليس دخل عليا الغريبه اكتر انى واقف وشايف كل اللى حصل واللى بيحصل ومحدش من الشرطه شافنى خالص
ولقيوا خريطه مرسوم فيها مكان السكينه تحت الشجره.. وكل اللى حصل مع مريم وانا واقف بتفرج ومفيش حد شايفنى...
وده اللى كان غريب جدااة علياال ازاى محدش شايفنى هوه انا هواء ولا اى
خرجت من باب الاوضه عادى جدا وطلعت ازور الشيخ لقيته الحمد لله بعد موت كمال وامه السحر اتفك وبقى بيشوف وبقا بصحه كويسه خالص
وانا قاعد معاه فى بيته بعد ما رجعتله صحته اجر مكان تانى يعيش فيه ودخلت علينا مريم وقالت
انا مش، عارفه اشكرك ازاى على كل حاجه عملتهالى متقلقش انا مش هظهر تانى خالص انا روحى مكنتش مرتاحه وارتاحت لما اخدت حقى وانتا السببب
وبعدها اختفت تانى وعدت تلات سنين على اللى حصل ده كله قررت اتجوز... وامى قررت تجوزنى اخت مرات خالى بنت قمر زى ماامى بتقول وهاديه ومحترمه
ولما روحنا نشوفها.. وجات تقدم الشربات.. ببص عليها لقيتها نسخه من مريم
ولما اتفجأت بتقلى مالك فيه ايه؟
بقلها انتى اسمك ايييه...
قالتلى مريم
انتهااا
رأيك بيفرق جدا معاااايا 🥰
تعليقات
إرسال تعليق