الكاتب احمد سمير جمعة قصة بعنوان تجارب حقيقية
"تجارب حقيقيه"
- كنت فى زياره فى اسيوط انا و٣ من قرايبى ، ف كنا واخدين بيت من بيوت عمى بننام فيه وكده
البيت كان دورين ..الدور الاول صاله كبيره "مندره" وحمام ومطبخ واوضة نوم للضيوف
والدور التانى اوض نوم ..البيت كان مريح نوعا لحد ما حصل لى فيه موقف خلانى مدخلوش مره تانيه .
انا بحب الصلاه جدا خصوصا وقت قيام الليل
وفى ليله كل الى معايا ناموا ومش جايلى نوم ف قمت اصلى , اتوضيت ونزلت المندره وفرشت سجادتى وبدأت اصلى ..قرأت الفاتحه ولما وصلت ل "ولا الضالين " سمعت صوت ناس كتير بتقول امين ..اقسملكم انى اتهزيت من جوايا ولولا وقفتى بين ايادى رينا مكنتش هثبت واكمل صلاه...ردهم "آمين" فزعنى فتحت عينيا وانا ببلع ريقى بصعوبه..ضربات قلبى كنت سامعها بودنى..ربنا اعاننى وثبتً و كملت صلاه وولما سلمت ببص ورايا ملقتش حد.
كنت مرعوب ومصدوم ومش عارف دول شياطين ولا جن ولا ملايكه طلعت فوق لقيتهم نايمين فضلت استعيذ بالله واستغفر ..لحد ما مشينا كنت بتفادى انى اقعد لوحدى ..ومدخلتش بيت عمى تانى من بعدها.
-------------------------------------------------------------
#أحـمـد_س
تعليقات
إرسال تعليق