الأديب محمد ال غبن شعر عامية بعنوان شايلة الهموم يامه
( شايله الهموم )
بقلمي الشاعر/ محمد غبن
شاعر آل غبن بمصر والشتات
كلمات عاميه بلغة محكيه
10/5/2023
شايله الهموم يامه من وقت
شروق الشمس لساعة الغروب
متحمله فوق طاقتك ربنا
كارمك بصبر ولا صبر... أيوب
يامه يانفس جوايا من ساعة
ماكنت لسه بداية...... جنين
لغاية لما كبرت وإنت شيلاني
أنا وإخواتي جوا ....... العين
يامه حقك عليا كبير مش
عارف إزاي أكرمك ...وأوفيه
نبع حنان والله ماحد يقدر
يوهبه او يكون مخلص ...فيه
يامه نفسي أكون معاك وأشيل
عنك شويه م الصبر والهموم
واوصي الزمن واقوله كفايه
بقي ارحمها ولو يوم بعد يوم
تآخد نفسها ولا أنت بتفرح
لما تلاقي اللي قدامك مظلوم
أخدت منها شبابها بلاش
تضيعها واعيش غيابها محروم
مش كفايه إني مش قادر
اعوضها عن كل نفس وهبته ليا
والله لو قعدت طول عمري
مااوفي حضن الوفا ...والحنيه
إلهي يبارك عمرك يامه ويقويني
ولو ارد من بعض جمايلك عليا
هذه الكلمات لكل الأمهات الغاليه علي قلوب الجميع فلذلك قصدت أن اكتبها علما بأنني لم أري امي في حياتي فليرحم كل أم وافاها الثري وليبارك في الباقيات .
تعليقات
إرسال تعليق