الأديب عماد صبحي ابيات شعرية بعنوان الموت يدق الباب
المووووت يدق الباب
تلقى القدر يفتح
يدخل بلا استئذان
مايقولشى لو تسمح
يدخل وشايل أمر
يكتب نهاية عمر
لو حتى كان الفرح
بيزين المطرح
المووووت يدق الباب
بتخيم الأحزان
ع الدنيا كام ليلة
وكإن شمس السما
مكسية ضليلة
راح إللى كان موصوف
للقلب وقت الخوف
لو شىء يرد الروح
والقاه ولو ليلة
المووووت يدق الباب
عدى الحبيب ع السما
وقفت نجومها حداد
قالت دى ريح طيبة
بتهل فى الاعياد
يفتح لها رضوان
وياخدها بالأحضان
أتارى شهيدنا كان
فى الجنة عنده ميعاد
المووووت يدق الباب
كلمات الدكتور الشاعر عماد صبحى
تعليقات
إرسال تعليق