الفائز الثالث الكاتب احمد محمود في اجمل القصص الاسبوعية قصة بعنوان نصف جثة الحلقة9

مستوحاه من قصه حقيقيه 

الحلقه 9 سلسله (حدث بالفعل) نصـ ـف جـ ـثه 

لـ احمد محمود محمد 

مكتب الجثـ ـث المجهوله بعت لينا سيادتك وبيقولوا انهم عثروا على نصـ ـف جثـ ـه لبنت سنها ما بين العشرين والتلاته وعشرين 

لا حول ولاقوة الابالله العلي العظيم يعنى الناس تدخل تقول صباح الخير وانتا داخل تقولى لقينا نصـ ـف جثـ ـه 

ادهم: معلش بقا يا عمرو بيه بس ده شغل 

عمرو: والجثـ ـه دى لقيوها فين 

لسه معندناش تفاصيل سيادتك احنا هنروح دلوقتي ونعرف 

بيقوم الظابط ادهم ومعاه عمرو وبيروحوا لمكتب 

الجـثـ ـث المجهوله واللى بيكون رئيس مجلس ادارته طبيب شرعى 

وان الوظيفه دى مسنوده ليه من وزير الدخليه بالاتفاق مع وزير الصحه وان المكتب ده وظيفته يلاقى

الجثـ ـث المجهوله ويشرحـ ـوها ويكتبوا تقرير عنها 

ده بالاضافه انه كمان بيقوم بتغسيل الجثـ ـه وتكفـ ـينها ودفـ ـنها لو لم يجدوا ليها اهل 

بيتكلم الظابط عمرو مع الدكتور محمد المسؤول عن المكتب وبيقوله ايه الاخبار يا دكتور 

حضرتك احنا جالنا بلاغ من فلاح كان ماشى ف الشارع بحكم انه فلاح ورايح الارض بتاعته بعد الفجر علطول وبيتفاجئ فى اول الحقل بتاعه بيلاقى شوال مقفول 

ومكنش يعرف فيه ايه ولما بيفتح الشوال بيلاقى نصف جـ ـثه لبنت صغيره وبتكون متعرضه للتعذيب لأن شعرها مقصوص بعشوائيـ ـه ووشها عليه اثار كدمات 

الراجل اتفزع واتصل برقمنا الموحد واحنا روحنا وعاينا الجثـ ــه بس مع الاسف مكنش ليها نصـ ـف تحتانى خالص 

الراجل ده فين دلوقتي ؟!  

د/محمد: موجود بره يا فندم مقدرناش نخليه يمشى الا لما تاخدوا اقواله 

عمرو بيبص لأدهم.. دخله ياادهم 

بيدخل الراجل وبيكون باين عليه الطيبه وانه راجل غلبان 

بيسأله عمرو: اسمك ايه؟ 

خدامك عبد الصمد 

عندك اولاد 

تلاته يا فندم.. 

طيب قولى ايه اللى تعرفه بس قبل اى حاجه راعى ربنا ف اولادك 

حاضر يا فندم انا متعود كل يوم اروح الارض بعد الفجر علطول حضرتك شايف الجو حر اوى فا بعد الفجر انسب وقت بالنسبالى 

لما وصلت الارض بتاعتى لاحظت شوال مرمى على جمب انا اول مره اشوفه قربت من الشوال وكُنت خايف 

ادهم: كُنت خايف لى يا عم عبد الصمد 

خوفت ليكون فيه حاجه مؤذيه بس لاحظت ان فيه دم خارج من الشوال ده فى الاول كُنت فاكره شوال مليان فراخ من الجماعه اللى فاتحين مريشه قدام الارض بتاعتى 

كُنت هزعق جامد وقلت اشيل الشوال وارميه ف الزباله بس لقيت الدم كتير اوى وكمان الشوال تقيل..  

فتحته لأنه كان مربوط ولقيت جثـ ـه البنت دى من الصدمه قصدت شويه مش مستوعب حاجه مش متخيل اللى شايفه قدامى 

ولما بدأت اتملك اعصابى طلعت تليفونى واتصلت برقم المكتب وهما الله يسترهم ف اقل من نصف ساعه كانوا وصلوا لمكان الارض بتاعتى 

ادهم: هوه انتا شوفت حاجه كانت معاها؟! 

حاجه زى ايه يا باشا 

ادهم: اى حاجه علفكره التفاصيل الصغير بتفرق اوى ف القضيه اللى بتكون زى كده 

لا سيادتك مكنش فيه حاجه تانى بس كانت مبتسمه وسنانها باينه وعيونه مفتوحه ومبرقه وبقها كمان كان مفتوح وسنانها باينه 

عمرو: طيب يا عم عبد الصمد اتفضل امضى على اقوالك وروح انتا لأولادك بس متخرجش بره البلد علشان ممكن نستدعيك للشهاده فى اى وقت بما انك انتا اللى اكتشفت الجثـ ـه دى 

عمرو: للدكتور هوه التقرير هيطلع امتا يا دكتور 

بكره بالكتير يكون عندك 

ادهم: هوه فيه نظره مبدئيه عن الجـ ـثه؟! 

اه اكيد. من خلال المعاينه المبدائيه اولا الجـ ـثه دى مشـ ـنوقه وده باين جدا من فتحه العيون بالشكل ده ولو تلاحظ سيادتك كمان اثار حبل على الرقبه باينه اوى 

عمرو: وايه كمان 

وكمان واضح ان قطـ ـع النصف التحتانى بشنيور لأنه القطـ ـع مش مستقيم ودى محتاجه شرح وهكتبها ف التقرير بس اللى محيرنى ليه متـ ـخيطه من تحت؟ 

ادهم: قصدك ايه يا دكتور 

مش عارف واللى معرفهوش كمان هوه ايه سبب الموت؟! 

ادهم: يعنى قصدك متعرفش ايه بالظبط اللى قتـ ـلها 

اه بالظبط كده وان شاء الله التقرير النهائى هيوصل النقطه بكره ان شاءلله ومع صدور تقرير الطب الشرعى تبين ان البنت دى ماتت من شده التعـ ـذيب وبعدها اتشنقـ ـت 

وتم تقطيع الجثـ ـه بعد شنقـ ـها بالحبل ده غير ان 

تخيـ ـيط النصف التحتانى ده وراه بلوه كبيره جدا  

وان البنت مفيش فى معدتها اعضاء خالص الا الرئتين والامعاء وبس 

ادهم: قصدك ايه ان ممكن تكون سرقه اعـ ـضاء 

محمد: وارد جدا يا ادهم بيه ملهاش تفسير غير كده 

عمرو: بالنسبه للنصـ ـف التانى يا دكتور محدش لقاه لسه؟ 

محمد: مع الاسف يا عمرو بيه مفيش اى حاجه وصلت لينا لحد دلوقتي 

عمرو: ادهم راجعلى البلاغات عن فقدان البنات فى اخر عشر ايام ورد عليا بسرعه 

ادهم: بعد مراجعه البلاغات (للأسف يا عمرو بيه مفيش اى حد اختفا الايام اللى فاتت دى بنفس مواصفات 

الجـ ـثه اللى عندنا) 

عمرو: وبعدين فات اربع ايام وغير يوم كانت مرميه فى الجثـ ـه فى الطريق لا بلاغ تم بختفائها ولا عارفين هيا بنت مين ولا اسمها ايه ولا اى حاجه عنها 

ابعتلى نشره بصورها على جميع اقسام البلد علشان نقدر نتعرف عليها انا لازم اعرف ايه اللى حصلها دى بقت قضيه رأى عام 

ومنعرفش كمان هل دى عصابه تجـ ـاره اعضـ ـاء ولا الجـ ـريمه بقصد الانتقـ ـام ولا ايه بالظبط 

بعدها بيتصل مكتب الجثـ ـث المجهوله بنقطه الشرطه وبيبلغهم انهم لقيوا النصـ ـف التانى من الجـ ـثه 

مـ ـرمى فى المصرف بتاع المجارى 

وبالفعل بيكون ده النصـ ـف التانى للجـ ـثه وكمان بيتم ابلاغ النقطه ان فيه ناس من محافظه تانيه مبلغين عن اخـ ـتفاء بنتهم بقالها خمس ايام وهيا بالظبط نفس مواصفات الجـ ـثه اللى عندنا 

وبكده نبقا عرفنا مين هيا البنت دى بعد استدعاء اهلها علشان يتعرفوا عليها 

وفعلا حضرت امها واخواتها الاتنين اللى كان واحد منهم 32 سنه اسمه سيد وواحد 26 واسمه طارق وهيا البنت كان سنها 21 سنه 

بس عمرو مكنش مستريح لأخوها الكبير لأنه شكليا شبه المـ ـجرمـ ـين بس رجع وقال دى خلقه ربنا 

الاخ الكبير شغال سواق ميكروباص والصغير نقاش وهما الاتنين بيحبوا اختهم جدا على حسب اقاويلهم ف المحضر 

وأكدوا انها خرجت علشان كان عندها درس وبعدها مرجعتش من خمس ايام فاتت  

الام بتبكى بحرقه لأن البنت هيا اللى كانت شيلااها وكانت بتحبها اوى لأن الام تعبانه شويه 

بعد ما استلموا جثـ ـه اختهم علشان يدفنوها المحضر لسه متقفلش والنيابه امرت بتسليم الجثـ ـه لأهلها 

وفى نفس اليوم بيتصل مكتب الجثـ ـث المجهوله بالنقطه وبيبلغهم انهم لقيوا.. واحد مقتـ ـول بنفس الطريقه اللى اتقتـ ـلت بيها البنت ومرمى فى المصرف بتاع المجارى 

بيروح ادهم ومعاه عمرو على المكان اللى فيه الجثـ ـه وبيكتشفوا انه اتقـ ـتل بنفس الطريقه اللى ماتت بيها البنت 

لا ومش كده وبس دى ريحته كانت قالبه المكان وده معناه انه ميـ ـت من اكتر من تلات ايام 

بعد تحليل الطب الشرعى المبدائى ثبت انه مقتـ ـول من حوالى ست ايام فاتت وانه مشنـ ـوق هوه كمان وأثار الحبل واضحه جدااا على رقبته 

ده كمان على ايديه اثار كدمات واضحه جدا وده معناه انه اتعرض للتعـ ـذيب ده غير انه مفيش على جسمه اى لبس 

اللى قتـ ـله سابه من غير هدوم ولافه فى شوال ورميه فى المصرف 

وهنا قضيه جديده بلغز جديد شاب عشرينى مقتـ ـول ومجهوله شخصيته..  

مبيعديش وقت كتير غير لما بيفتكر ادهم انه لما راجع كشوفات المفقودين اللى متبلغ عنهم شاف صوره الشاب ده فيهم.. 

بيرجع للكشوفات تانى وبيعرف مين الشاب ده واسمه عزيز 21 سنه وحيد ابوه وامه والمفجأه انه من نفس البلد اللى منها البنت اللى اتقـ ـتلت  

بعدها عمرو بيتصل بمكتب الجـ ـثـ ـث المجهوله وبيبلغهم ان احتمال كبير جدا يلاقوا النصـ ـف التانى للواد ده قريب من المصرف 

وفعلا بيلاقوا النصف التانى والولد بيكون متاخد بعض

اعضـ ـاؤه وعيونه الاتنين كمان 

وهنا السؤال من عمرو الاتنين دول مش من محافظتنا دى ايه اللى جابهم هنا وليه؟! 

ادهم: اكيد اللى خلـ ـص عليهم حاول ينفى التهمه على نفسه فكان لازم يرميهم بعيد علشان يشككنا احنا فى نفسنا وفى اللى حولينا 

عمرو: بالظبط كده كلامك صح بس تفتكر مين ليه مصلحه يعمل كده؟! 

ادهم: مش عارف 

عمرو: انا عاوز بيانات الولد والبنت وتقارنهم ببعض وتشوفلى لو حد ف اهاليهم ليه عندنا ملفات ولا لأ. ساعه بالظبط وتدينى التمام يا ادهم 

وبعد ساعه بيرجع ادهم وبيكتشف ان الولد والبنت من نفس المحافظه بس كل واحد منهم من قريه 

وفى نفس المدرسه مع بعض وزمايلهم كانوا بيقولوا انه بيحبها جداا 

وبالنسبه لأهليهم ملهمش ملفات الا اخوا البنت الكبير واللى اسمه سيد اتسجن سنه قبل كده بسبب التعاطى والادمان 

ومن هنا كان اول خيط فى القضيه.. بيطلب عمرو من ادهم انه يعمل تحريات كامله عن سيد ده 

والتحريات اثبتت ان سيد بيتاجر فى المخـ ـدرات وكمان بيتعاطها ده غير انه بيفرض اتاوات على 

المدمـ ـنين علشان يشتروا منه 

وكل ده فى السر من غيࢪ ما حد يعرف وعاوز اقول لسيادتك ان فيه مداهمات كتيره نزلت علشان تقبض عليه بس كل مره مكنوش بيلاقوا اى حاجه 

رغم اننا بنكون متأكدين من المعلومه اللى عندنا 

وهل ليه نشاط تانى غير المخـ ـدرات؟! 

لأ يا فندم مصادرنا بتأكد ان ملوش اى نشاطات تانيه 

طيب حلو انا عاوزه هنا حالا استدعيه دلوقتي 

بيجى سيد وبيتكلم معاه عمرو وبيسأله مفكرتش مين ممكن يكون عمل كده فى اختك؟ 

معرفش يا بيه..  

مبتفكرش حتى ترجع حقها.. ؟! 

لأ يا بيه انا راجل فى حالى ومليش فى الدم والكلام ده 

طيب ايه اقوالك فيما هوه منسوب اليك من والدتك اللى بتتهمك انك قتـ ـلت بنـ ـتها.. 

ياابيه دى وليه كبرت وخرفت انا امى بتاخد ادويه علشان الزهايمر معقوله تصدقوا كلام ست مجنونه زى دى. 

غريبه اوى مع ان الدكاتره اللى كشفت عليها أكدت ان قواها العقليه سليمه وجدا كمان 

هنا بيتوتر سيد وبيسكت فى نفس الوقت بتكون ام سيد مع الظابط ادهم فى غرفه تانيه من غير ما تعرف ان ابنها موجود هنا اصلا 

طيب اتفضل يا سيد انتا دلوقتي وبيكون عمرو مفهم ادهم انه ياخده فى اوضه التحقيق اللى فيها كاميرات 

بينده عمرو على ادهم وبيقوله هاتلى طارق اخوه الصغير..  

بيدخل طارق وبيقعد قدام عمرو وبيسأله عمرو ايه اقوالك فيما هوه منسوب اليك من والدتك انك اشترطت فى قتـ ـل اختك مع اخوك 

هنا بيسكت طارق وبيبدأ يتوتر شويه وبدأ يقول محصلش يا بيه والله ما حصل انا مقتـ ـلتش حد 

وهنا بيتأكد عمرو من توتر طارق ان فيه حاجه غلط حصلت وبيقوله بس اخوك اعترف عليك انك انتا اللى قتـ ـلت اختك 

كداب كدب يا بيه محصلش ده هوه اللى قتـ ـلها 

ازاى بقا؟! 

احنا عرفنا ان أُختنا على علاقه مع واحد صاحبها فى المدرسه وانها راحت معاه مكان مدارى وانا بلغت اخويا وقفشناهم هناك وقتـ ـلناهم هما الاتنين 

وقطـ ـعناهم نصفيـ ـن بس كان لازم نرميهم فى مكان بعيد عننا علشان نبعد الشبهه عننا 

طاب والاعـ ـضاء مين اللى عمل كده..؟!  

معرفش..  

طيب خده يا ادهم وهاتلى سيد وهنا دخل سيد وشاف اخوه وهوه بيزعقله وبيقوله لى اعترفت عليااا 

سيد كان مصدوم ومش فاهم ايه اللى حصل ولما دخل لعمرو المكتب عمرو بلغه انهم لقيوا القـ ـاتل 

وهنا اتوتر سيد اكتر واكتر وقال مين يا بيه 

ضحك عمرو وقال حضرتك يا سيد اخوك اعترف عليك بكل حاجه واعترف كمان ان انتا اللى سرقت 

اعضـ ـاؤهم وبعتها لحسابك 

لا يا بيه محصلش اقسم بالله ما حصل ده هوه اللى سرق الاعضـ ـاء لأنه شغال مع عصابه كبيره بتشترى الاعضـ ـاء بفلوس كتيره 

بعد ما خلصنـ ـا على اختنا هوه اللى اخد اعضـ ـائها هيا والولد وهنا بيدخل ادهم وهوه بيضحك وبيسلم على عمرو وبيقوله برافوا عليك يااعمرو 

وهنا بيفهم سيد انه اتعمل عليه هوه واخوه لعبه علشان يوقعوهم وفعلا الخطه مشيت صح الصح وكانوا جايبين الام معاهم علشان لو الخطه فشلت محدش منهم يأذيها 

خصوصا انهم متهمينها بالجنون وانها كبرت وخرفت 

انتهاااا 

#رعب_احمد_محمود