الاديبة وردة إبراهيم شعر عامية بعنوان فيه ناس
فيه ناس تشوفها مره....... وتعيش جواك سنين
وناس ف كل مره ...........تشوفها تقول دي مين
وناس تاخد حاجات......... وناس بتسيب حاجات
وناس ويا الساعات......... بتروح وتسيب حنين
وناس عشرتها مره........... ومعاها تعيش حزين
وناس الدنيا من غيرها............ مره ولو يومين
وناس علشان حاجات.......... ممكن تبيع حاجات
وناس علشان ساعات............. ممكن تبيع سنين
وفيه عيون تشبه عنينا ...........صافين وقريبين
وعيون تشبه مدينه.......... مفيهاش ناس طيبين
و عيون حزن وسكوت...... وعيون حضن وبيوت
وعيون تقدر تفوت................ جواك ف ثانيتين
تعليقات
إرسال تعليق