الفائز الاول الكاتب حسن الأمير العريني قصة خمس اجزاء بعنوان

قصة المسابقة

البراءة كاملة الجزء الاول

بقلم حسن الامير العريني

اتفقت معاه ومضيت العقد وابتدينا نتكلم عن مشاريعنا المستقبيلة العقد ده مش عقد شراكة في عالم الاعمال والبيزنس ده عقد بيني وبينه واتفاق بالدم على الظلم والضلال ونشر الشرور في المقابل صحة ومال و سلطة وكل اللي انا عايزة 

انا ابن الشر ابن الملحدين ابن الكافرين بكل الكتب السماوية معنديش اقتناع بشيء غير نفسي و معنديش ايمان باي حاجة غير قدراتي حتى اللي انا عملت معاه اتفاق ده انا عملته بلا مبالاه وانا معتقد ان مفيش منه فايدة وان الموضوع في الاول والاخر بيرجعلي انا وحكاية الظلم والضلال والشرور ده كله في راي وجهة نظر يعني اللي انت شايفة شرور ده انا شايفة حريتي و رغباتي اللي محدش يقدر يقولي اعملها او معملهاش بس هو اللي كتب كده في العقد وانا قولت مش هخسر حاجة جابلي فلوس و سلطة وشهرة يبقى كويس مجبش عادي انا اصلا مش ناقص بس بحب ازود 

انا مؤنس سلمان عندي 45 سنة اتولدت في بيت مفيهوش اي احترام لاي ديانة من الديانات حتى لو كانت المجوسية مكتوبين في شهادات الميلاد والبطايق مسلمين لكن احنا لا نمت لاي دين باي صلة عمري ما شوفت ابويا داخل جامع او حتى معبد يهودي طول الوقت شرب و عربدة كنت اصحى بليل على حفلات كلها شرب و سكر ودعارة ومتعرفش مين مع مين ولا مين بيعمل ايه ولما اخروج وانا طفل عنده 9 سنين مكنش ابويا او امي يزعقولي عشان ارجع انام بالعكي كانوا بيقعدوني معاهم ومع الناس وكانت دي العيشة اللي عيشتها عايزني اطلع ايه في المدرسة كانوا يسلموني كتاب الدين ولو ابويا شافه في الكتب بتاعتي ياخده ويتريق ويقولي ده كله كلام مش حقيقي ومفيش حاجة اسمها اله ولا في رب معبود و ياخد الكتاب يرميه وابتدى يزرع جوايا اني من حقي اي حاجة ومن حقي استمتع بحياتي زي ما انا عايز اهم حاجة اني يكون عندي فلوس كتير ومن خلال الفلوس دي هتقدر تتحكم في كل حاجة وفي كل حياتك وطلب مني طلب ان لو حياته انتهت احرقه جثته وارمي الرماد بتاعه في الصحراء وفعلا في يوم صحاني من النوم

بقلم حسن الامير العريني

ابويا : اصحى يا مؤنس

مؤنس : عايز ايه سبني انام

ابويا : قوم عشان انهاردة انا و امك هنثبت للعالم كله ان حكاية الاله دي مش حقيقة وماهي الا خرافة

مؤنس : وحبكت يعني تثبتوا ده دلوقت انا عايز انام لما اصحى تبقوا اثبتوا براحتكو

ابويا : انا وامك هنموت انهاردة

مؤنس : نعم هت ايه

ابويا : انا وامك خدنا القرار مش هنستنى الموت يجي احنا هنموت بنفسنا و هننهي حياتنا ولو بقى في اله يبقى يمنعنا

مؤنس : انت بتقول ايه

ابويا : اللي سمعته انت هتفضل تقولي ايه قوم يالا عشان انت هيبقى مسئوليتك انك تعرف الناس بعدنا اننا كنا صح

مؤنس : ليه بقى المفروض اعمل ايه

ابويا : احنا لو انتحرنا دلوقت ممكن يتهموك انت وفي نفس الوقت مش هنقدر نثبت حاجة لكن لو كل حاجة اتصورت هيبان اننا موتنا بمزاجنا وفي تفس الوقت التحدي هيبقى قوي للاله ده لان الناس كلها هتبقى شاهدة ووقتها لو عيشنا احنا نفسنا هنعرف انه غلط وهنرجعله اما لو متنا فالناس هتعرف اننا كنا صح وان كل اللي هما فيه ده شوية كذب وافتراء

مؤنس : انتوا الجنان وصل بيكوا للمرحلة دي خلاص عشان تثبت انك صح هتسبوني اعيش في العالم لوحدي

ابويا : بس هنسيبلك ورث محدش سابه لحد قبل كده

مؤنس : ورث ايه 

ابويا : هتفهم بعدين قوم يالا انا وامك مجهزين كل حاجة وزي ما قولتلك لو حياتنا انتهت هتحرق جسمنا و هترمي رماده زي ما قولتلك

انا مش مصدق نفسي هيموتوا نفسهم بجد ولا بيهزروا معايا خرجت لاقيت امي قاعدة وماسكة في ايديها كاس خمرا وبتشرب وادت ابويا واحد وادتني واحد وقعدنا نشرب فعلا لحد ما بقينا خلاص مش قادرين نقف ولاقيت ابويا قام 

بقلم حسن الامير العريني

ابويا : يالا اعمل قناة على اليوتيوب دلوقت واعمل بث مباشر 

وطبعا انتوا فاهمين الموضوع ده بقى سهل قوي وفعلا دخلت عملت القناة وفتحت البث المباشر 

وقف ابويا وامي قدام الكاميرا

ابويا : اهلا بكل الناس حوالين العالم احنا جايين انهاردة في تحدي و تحدي من نوع خاص جدا لكل الالهة لكل الديانات سواء الغير مرئي او المجسد بشكل من الاشكال احنا بنتحداك انك تمنع عملية انتحاري انا وزوجتي العزيزة اما بقى لو محصلش وعملية الانتحار تمت بنجاح فده معناه انك مش موجود و مش قد التحدي 

وطلع ابويا سكينة كبيرة جدا ومسك امي وحط السكينة على رقبتها وفصل دماغها عن جسمها حسيت اني مش قادر اشوف 

مؤنس : انت فين , انقذهم مش كلهم بيقولوا انك موجود وكله كان بيقول علينا مجانين اثبتلي انهم صح واني غلط انا كده خسرت امي حافظ على ابويا حتى

واول ما خلصت كلامي ببص على ابويا اللي كان غرس السكينة في قلبه ووقع من طوله وابتديت اشوفه هو وامي قدامي جسم بيترج بمنتهى القوة وجسمهم سكت غيرت الكاميرا انها تصورني انا 

مؤنس : وبكده ابويا و امي انهوا حياتهم بمزاجهم ولا في دخل من اله ولا من اي حاجة لسه برضو مصدقين انه موجود انا عن نفسي صدقت ان مفيش وجود لحاجة اسمها كده اصلاقصة المسابقة

البراءة كاملة الجزء الثاني

بقلم حسن الامير العريني

وقفلت البث وشيلت جثة ابويا وامي وطلعت على الصحراء وفتحت بث جديد وصورت لحظة حرقهم ووريتهم ورقة كان كاتبها ابويا بيقول فيها انه هينهي حياته بنفسه وحياة امي وانهم طالبين مني حرق جثثهم ورمي الرماد في الصحرا وبعد البثين دول كمية المشاهدات وصلت ملايين في وقت قليل جدا وبصراحة انا فهمت ابويا يقصد ايه بالورث انا كسبت كتير من ورا الفيديوهات دي وبقى ليا ناس كتير هايزة تتبعني وتبقى معايا وتعمل اللي بعمله و ابتدى يبقى عندي شركة والتانية والتالتة وبقى معايا فلوس كتير جدا وكل ما فلوسي تزيد كل مارفضي لوجود الاله يزيد يعني ايه انا بعمل كل الحاجات اللي بعملها دي وسايبني و فلوسي بتزيد و نفوذي بيزيد وغير ناس كتير كانت بتخبي الالحاد ده انا كنت بفتخر بيه قدام الناس وكنت طول الوقت بقول اني بتحدى وكنت بكسب التحدي لحد ما في يوم تحداني شيخ من الشيوخ وقالي نعمل مناظرة قولتله اني مش فاضي للمهاترات بتاعتهم وان هو كرجل دين يعني اقل من مستوايا انا التحدي بتاعي بيكون مع اللي هو بيقول عليه خالقه و رفضت المناظرة ده واحد عقليته على قدها لسه موصلتش لمستوى عقليتي و في يوم وانا قاعد لوحدي بعد ما كنت لسه مخلص حفلة من حفلاتي وكنت بشرب لاقيت قدامي حاجة شكلها غريب والمفروض مخيف بس مركزتش مع الخوف لاني عودت نفسي مخفش من حاجة بصتله بمنتهى الاشمئزاز 

" انت مش خايف مني "

مؤنس : انا مش بخاف بس هو انت بتتكلم ازاي مش المفروض انك حيوان ولا صحيح ما اكيد ده من الشرب شكلي تقلت شوية انهاردة

" انا زيتون ابن ابليس اعتى الشياطين والاقوى بينهم "

مؤنس : بقولك ايه انا دماغي مش فيقلك هو في حاجة اسمها شيطان اصلا شكلك واحد من اللي كانوا لسه هنا وطلبت معاك تشتغلني 

زيتون : زي ما تحب 

وقرب الكائن او الشيطان ده وقعد على الكرسي اللي جنبي 

مؤنس : قوم وامشي انا مش عايز اقعد مع حد

زيتون : انا جاي اعمل معاك اتفاق

مؤنس : اتصل بالسكرتارية وخد ميعاد 

زيتون : انت بتقول ايه شكلك مش عارف انا مين بجد

وابتدى شكله يتغير لابشع قال يعني هو ناقص هو شكله اصلا زفت

مؤنس : يا عم انت شكلك اصلا وحش بتوحش فيه ايه تاني

زيتون : انت متعرفش غضبي

مؤنس : طيب طيب هنفترض انك فعلا شيطان وان في حاجة اسمها شيطان انت عايز مني ايه

زيتون : اعمل معاك اتفاق

مؤنس : اتفاق ايه اللي هيكون بيني وبينك

زيتون : الموضوع بسيط هديك فلوس وشهرة وسلطة 

مؤنس : و ايه المقابل

بقلم حسن الامير العريني

زيتون : روحك

مؤنس : روحي هو في حاجة اسمها كده اصلا

زيتون : خلاص مش مهم بقى المهم انك هتاخد فلوس و سلطة و شهرة

مؤنس : معنديش مانع 

ظهر قدامي ورقة مكتوب فيها تنازل الانسي مؤنس سلمان ابن ادم عن روحه لزيتون ابن ابليس لتصبح من ارواح الجحيم وهذا عهد دائم وابدي حتى قيام الساعة و تنفذ كل الشروط والطلبات لذلك واخر الورقة مكتوب توقيع الدم

مؤنس : هههههههههههه حلوة دي روحي والجحيم وقيام الساعة بذمتك انت مصدق نفسك كمان ايه حكاية الطلبات والشروط دي

زيتون : الشروط والطلبات انت بتعملها لوحدك بس العهد ده عشان متفكرش ترجع عن طريقك

مؤنس : طريق ايه اللي ارجع عنه يا عم حاضر فين القلم عشان اوقعلك

زيتون : من غير قلم 

مسك ايدي وقطم صباعي والدم خرج منه وجاب حاجة شبه الريشة وحطها على الدم وادهاني وعند مكان التوقيع كتبت اسمي وعملت الفورمة بتاعتي كمان

مؤنس : وادي الفورمة كمان ياعم روح خد صحة توقيع من البنك

بقلم حسن الامير العريني

بس لاقتني بكلم نفسي مفيش حد موجود ولا الورقة اللي انا مضيت عليها حتى انا من كتر الشرب مكنتش شايف ووقعت مكاني ونمت لما روحت في النوم شوفت حلم غريب قوي انا شوفت الحفلة اللي كانت من شوية بس كان معانا كائنات كتير شبه الكائن اللي ظهرلي ده وعمالين يروحوا ويجوا في الشقة وبيتكلموا جنب ودننا وفي منهم اللي بيحط ايديه على دماغ واحد فينا واللي كان معايا كان واقف ورايا دايما وشكله اضخم من باقي الكائنات الموجودة وهو عمال يشاورلهم وزي ما يشاور بيروحوا صحيت من النوم وانا مش قادر دماغي تقيلة جدا و مصدعة قوي اول ما صحيت لاقيت واحد مهم جدا و من الناس التقيلة في البلد بيقولي عن مشروع البلد عايزة تعمله وعايز شركة بتاعت المقاولات بتاعتي هي اللي تعمله وكلمني في رقم كبير جدا معرفش اصلا هو وصلي ازاي ولا جاب رقمي منين بس الناس دي ميتقلهمش كده انا وافقت طبعا على طول وفي خلال كام يوم كنت موقع مع الحكومة العقد وابتديت ابقى موجود على الوش قدام الناس وفي كل حاجة فيها ظهور وشهرة تلاقيني موجود و فعلا الفلوس بقت تيجي من كل اتجاه ومن كل حاجة اي حاجة امسكها تبقى فلوس 

مؤنس : يا ماجد باشا حكاية مجلس الشعب دي انا مفكرتش فيها خالص

ماجد : اسمعني بس انت رجل اعمال مهم في البلد ومحتاج يبقى ليك علاقة بالجماعة اللي فوق عشان لو في حاجة واقفة ولا حاجة عطلانة تمشي 

مؤنس : ايوه بس,,,

ماجد : مبسش هما شافوا انك انسب واحد للفترة دي وانا شايفها فرصة ليك جهز نفسك ومتخافش هتنجحقصة المسابقة

البراءة كاملة الجزء الثالث

بقلم حسن الامير العريني

وفعلا دخلت مجلس الشعب و علاقاتي ابتدت توسع برة وجوة وفعلا بقى معايا فلوس وشهرة وسلطة علاقاتي وصلت لروؤساء دول وعلاقاتي برة مصر خلتني قابلت كتير زي اللي هما لا معترفين باي حاجة الا نفسهم وفي مرة قابلت واحد غريب جدا اسمه بينامين بس هو كان بيحب نقوله بين

بين : غريبة انا مشفتش واحد عربي مش مؤمن بوجود الاله

مؤنس : ليه يعني في عرب كتير كده بس خايفين يتكلموا من الحكومات 

بين : وانت مش خايف

بقلم حسن الامير العريني

مؤنس : هخاف من ايه انا اقدر اعمل اللي انا عايزة انا اتعودت مخافش

بين : طيب وبتؤمن بالشيطان

مؤنس : قولتلك انا مش مؤمن غير بنفسي بس

بين : ازاي بقى الشيطان موجود

مؤنس : مشفتوش يبقى مش موجود

بين : طيب ايه رايك تيجي معايا انهاردة واثبتلك وجودوا

مؤنس : اوك وايه المشكلة طالما هيكون قدامي وهقدر اتكلم معاه يبقى هتقدر تثبتلي اما لو حاجة غير كده فبلاش احسن

بين : هتشوف بعينك

وفعلا اتقابلنا بليل وروحت مع بين مكان غريب بيقول انه كنيسة لعبدة الشيطان في بلادهم ولما دخلت موجود تمثال لكائن براس عجل وفيها صليب مرسوم بالمقلوب

مؤنس : انت جايبني عند اللي بيعبدوا البقر دي ناس متخلفة

بين : مؤنس لو سمحت متتعداش حدود الكلام اتفرج وانت ساكت

مؤنس : انا محدش بيحطلي حدود لكلامي وريني اللي عندك

وابتدوا المفروض يقولوا حاجات من كتاب لونه احمر بيقولوا عليه انجيل الشيطان

" الحياة هي الشهوات والملذات، والموت الذي سيحرمنا منها، اغتنم الفرصة الآن للاستمتاع بهذه الحياة فلا حياة بعد الحياة، ولا جنة ولا نار.. العذاب والنعيم هنا."

" أني أغمس السبابة في الدم المختلط بالماء الذي لمخلصك الواهن المجنون... وأكتب على إكليل الشوك الذي فوق جبينه رئيس الشر الحقيقي، ملك العبيد"

" نحن لم نعد أولئك الضعفاء المتوسلين إلى الله الخائفين منه، أنه لا يهتم بنا كبشر سواء عشنا أو متنا، ليس عنده شيء من الرحمة أن كان يوجد إله كما يدعون"

بعيد عن اني شوفت الشيطان او لا بس الكلام عجبني ما هو ده اللي انا بعمله فعلا بس لما سالت بين عن اللي كاتب الكتاب ده قالي انه واحد اسمه انطون ليفي

بقلم حسن الامير العريني 

مؤنس : يعني مش الشيطان نفسه

بين : لا بس الشيطان هو ال....

قاطعت بين

مؤنس : اسمع منكرش ان الكلام حلو بس اللي انا شايفة ان الراجل اللي كتب الانجيل ده ما هو الا واحد كان نفسه يعمل ملذات الحياة كلها وخاف من نظرة الناس ليه فاقنعهم بوجود الشيطان معاه وان هو اللي خلاه يكتب الكتاب ده زيه زي كل واحد جه وقال انه نبي وجاب كتاب وقال فيه ان الاله هو اللي نزلهوله وفين الشيطان اللي المفروض هشوفه 

بين : وانت مشفتوش في كلامه دي تعاليمه واللي انت ماشي عليه برضو دي تعاليمه

مؤنس : انا مش ماشي على تعاليم حد انا بستمتع 

بين : وهو ده اساس مبادئه

مؤنس : انا معنديش مبادئ ولا اسس عايش عليها انا بعيش اللحطة بلحطتها

بين : انت غريب جدا يا مؤنس بتقول كل تعاليم الشيطان ومع ذلك راغض تعترف بوجوده

مؤنس : اقولك على حاجة انا زمان ظهرلي كائن غريب بس كنت وقتها سكران و قالي هوقع معاك عقد وكلام غريب كده وحاول يقنعني انه ابن ابليس بس طبعا كل ده كان تخاريف سكر

بين : ظهرلك ابن ابليس بنفسه و وقع معاك عهد 

مؤنس : برضو هتقولي ظهرلي بقولك كان تخاريف سكر والدليل اني مشفتوش تاني بعد كده 

وفي اليوم ده متفقناش انا وبين ورجعت مصر والصراحة الكلام بقلبه في دماغي كل اللي هما بيعملوه هو اللي انا بعمله كل تعاليم انجيلهم هو الحاجة اللي بنادي بيها مع اي حد بقعد معاه فجاة وانا قاعد ابتدى البيت يتهز لدرجة اني افتكرته زلزال وابتدي يتكون قدامي كائن غريب هو نفس الكائن اللي شوفته في الحلم وانا سكران مش عارف بقى هو حاجة كده ليها قرنين بس وشه اقرب ما يكون لوش القط وجسمه كمان بس اكبر من القط بكتير شعره كتير قوي وبينقط دم وبوقه فيه اسنان كتيرة ورفيعة وصغيرة جدا وشكلها غريب 

بقلم حسن الامير العريني

زيتون : لسه مش مصدق بوجودي يا مؤنس

مؤنس : المفروض اصدق انك شيطان يعني 

زيتون : انا مش اي شيطان انا ابن ابليس نفسه

مؤنس : سيبك من الكلام ده انت عايز ايه

زيتون : انا سمعت حوارك كامل مع بينامين واحد من عبيد اخويا بافوميت

مؤنس : وبعدين برضو عايز ايه

زيتون : عايزك تصدق في وجودنا واننا حواليك في كل مكان انت نلت الشهرة والسلطة والنفوذ والفلوس وكل حاجة مذكورة في العهد ده

وظهرت في ايدة ورقة هي نفس الورقة اللي شوفتها قبل كده يعني ايه هو ده مكنش حلم ولا انا دلوقت اللي بحلم حاولت مظهرش ارتباكي وبصيتله بمنتهى الاستهزاء وبصيت للورقة بقرف ومشيت داخل على اوضتي لاقيته بقى قدامي وشه في وشيقصة المسابقة

البراءة كاملة الجزء الرابع

بقلم حسن الامير العريني

زيتون : لما اكون بكلمك متدنيش ضهرك

مؤنس : بقولك ايه ايا يكن انت ايه ده ميفرقش معايا والروقة اللي معاك دي مش فارقة معايا وانا وقعتلك عليها وانا سكران ومع ذلك انا برضو مش فارق معايا اللي فيها مش انت مصدق انك شيطان ومصدق ان في روح هتخروج مني وهتاخدها معاك الجحيم يا عم خلاص خدها وانا الفلوس و النفوذ والسلطة والشهرة ده شغلي وذكائي وقدرتي على تخطي اي عقبة تقابلني 

زيتون : يعني انا اوسس لاهلك واوسسلك بالفكرة وتقلبوها عليا

مؤنس : لو هنفترض ان كلامك صح وانك السبب ان اهلى كانوا كده واني انا كمان كده وان يا سيدي انت السبب في كل ده ايه المطلوب مني دلوقت

زيتون : روحك زي العقد اللي بينا 

مؤنس : قصدك ايه

فجأة لاقيت الاوضة بتتملي دخان والكائن ده بيبقى اضخم واضخم وبيقرب مني وبيقولي يعني تموت

مؤنس : مش مستعد انهي حياتي لسه قدامي كتير 

زيتون : و انت عايز ايه تاني مش خلاص حققت كل حاجة

مؤنس : لسه لازم يكون ليا نسل يكمل مسيرتي

زيتون : هيكون ليك

مؤنس : ملقتهاش لسه اللي هتشيل النسل ده

زيتون : في حواليك كتير و كلهم تحت امرك وبتعمل فيهم اللي انت عايزه

مؤنس : بس كلهم لسه متحاوطين بالفكر المتخلف وانا مش عايز ابني يكون مختلف عني ولازم ارسخ جواه كل اللي انا اتربيت وعيشت عليه 

زيتون : يبقى نتفق

مؤنس : على ايه تاني

زيتون : بعد اول مولود ليك وتوصيلك لعلمك كله ليه تسلملي روحك 

مؤنس : معنديش مانع 

وبعد سنين من الكلام ده قابلتها واحدة شبهي متحررة من فكرة الاله و مكنتش عايزانا نتجوز لانها شايفة الجواز فكرة من افكار التخلف والرجعية هي بمنتهى البساطة جت وعاشت معايا وبعد اول سنة جواز كانت حامل وولدت بنت حلوة جدا و سميتها شروق لاني كنت شايفة جميلة زي جمال شروق الشمس وعلمتها كل حاجة و بعد ما بنتي كبرت ووصلت لسن المراهقة دخلت عليها الاوضة لاقيتها نايمة وفي واحد نايم جنبها معرفش ليه اضايقت انا علمتها انها حرة في كل حاجة بس اليوم ده انا اتعصبت جدا واتنرفزت عليها 

مؤنس : يعني تجيبي واحد ينام معاكي في البيت

شروق : اعتقد انا حرة و اعمل اللي انا عايزاه وانت طول عمرك مخليني على راحتي

مؤنس : بس مش معنى كده انك تجيبي حد من غير حتى ما تقوليلي

شروق : لو سمحت يا بابا انا بعمل اللي انا عايزاه طول عمري وانت عودتني ان ده الحقيقة وان اي نوع من انوع الرقابة هو ضعف 

مؤنس : تقصدي ايه 

شروق : اقصد ان اللي معايا فوق ده هيعيش معايا على طول ولو حضرتك معترض على وجوده في البيت انا هروح اقعد معاه عنده

مؤنس : مين الولد ده

شروق : حاجة متخصكش 

وسابتني ومشيت من قدامي وشوية ولاقيتها نازلة والولد ده معاها وبصتلي من فوق لتحت و خرجت معاه من البيت

اول ما خرجت فوجئت باللي اسمه زيتون ده بيظهر قدامي

مؤنس : انت ايه اللي جايبك

زيتون : اتفاقنا ولا نسيت

مؤنس : مش انا سلمتلك عشيقتي وام بنتي وانت ساعتها كنت مبسوط انك اخدت روحها للجحيم زي ما قولت

انا نسيت اقول اني بعد فترة من ولادة بنتي زيتون جالي وقالي ان في بينا اتفاق وابتدى وقتي يخلص وقتها اقنعت عشيقتي بانها تنهي حياتها بمزاجها زي ما اهلي عملوا وانها هتكون كده بتثبت لنفسها انها كانت على حق طول الوقت وفعلا قتلت نفسها و حرقتها برضو في نفس الصحراء وقولت لبنتي لما كبرت اني لما انهي حياتي تحرقني انا كمان وترميني في الصحرا 

زيتون : بنتك كده اتعلمت كل حاجة والدليل اللي حصل دلوقت وكده جه ميعادك

مؤنس : وانا محدش يحددلي هنهي حياتي امتى مش دلوقت بكرة بعد المغرب هنهي حياتي بنفسي ولاخر مرة بقول لو الاله موجود يمنعني 

وعدت الليلة غريبة كلها كوابيس و حاجات مفزعة بس عادي انا اول ما صحيت من النوم اتصلت بكل اصحابي ومعارفي اللي عايشين على طريقتي و بنفس حياتي وقولتلهم اني عامل حفلة وداع كبيرة ليا وليهم وقعدنا وشربنا وعربدنا لاقصى درجة ممكنة وهما دلوقت مشيوا وواقف قدامي اللي اسمه زيتون ده مستنيني انهي حياتي عشان على كلامه يستلم روحي وياخدها بنفسه للجحيم بلغت بنتي باللي هعمله وزمانها على وصول عشان تاخد جثتي تحرقها .....

وده كان اخر الكلام في مذكرات مؤنس سلمان اللي لاقيناها في بيته بعد ما الحارس بتاع الفيلا بلغ ان مؤنس كان بقاله اربع ايام مبيخرجش ولما دخل يطمن عليه لاقاه واقع في الارض و في خنجر راشق في قلبه بالظبط ولما حاول يتصل ببنته لاقى تليفونها مقفول وعلى حسب المذكرات اللي لاقاها فريق البحث الجنائي على مكتب المجني عليه بيتضح انه منتحر وان المدعو مهران مجدي السنوسي واللي بيعمل حارس للفيلا الخاصة بالمجني عليه برئ من تهمة القتل العمد