الكاتب باسم سليمان في تجارب حقيقية

-
الجزء الثاني 2️⃣

#تجارب_حقيقية
#يحدث_الآن

صديقنا (ط،ح) بيحكلنا قصة اغرب من الخيال 
🏴‍☠️🏴‍☠️🏴‍☠️🏴‍☠️🏴‍☠️🏴‍☠️🏴‍☠️🏴‍☠️

ابتدت المشاكل بسبب دخولي الجامعة وكان في طالبة في نفس الصف بتاعي في الجامعة كانت غاية في الجمال وكان اي شاب يتمني بس انه يسلم عليها او انها تكلمه كلمة ،، ورغم اني عمري ما حسيت بإنجذاب لأي بنت بسبب الجنيه الي انا عايش معاها في احلامي كانت اجمل من اي انسيه في عالمنا الا اني حسيت لأول مرة في حياتي باعجاب بواحده من بني الانسان . وابتدت نظرات عيني تلاحقها وابتديت احس ان هي كمان نظراتها بتلاحقني ومعجبة بيا  

ابتديت احس بتوتر وعدم راحه مش فاهم سببه ،، بس كنت عارف ان في حاجه جوايا اختلفت ومبقتش مرتاح

لحد ما جيت في يوم نمت ، وجاتلي حبيبتي الي من الجن ،، في اليوم ده اول مرة من ٧ سنين متواصله احس انها غضبانة وساكتة ونظراتها ليا كلها ضيق ولوم لكن من غير ماتتكلم والغريب اكتر . اني لأول مرة من ٧ سنوات انا كمان احس اني وانا معاها ان تفكيري رايح في اتجاه زميلتي الي من بني الانس محستش بنفس الراحه الي كنت بحس بيها من وقت ظهورها في حياتي في احلامي

اتكرر لقائي بيها في احلامي بنفس الطريقة ونفس الاسلوب لفترة ،، لدرجه اني بدأت لاول مرة من سنين طويلة اني اهرب من الحلم وعاوز افضل صاحي عشان بفكر في زميلتي ،، ليلي ،،

طبعا ده مش اسمها الحقيقي لكن هقول عليها الاسم ده في القصة عشان تكونوا عارفين انا بتكلم عن مين اثناء القصة ..

نظرات ليلي ليا في المحاضرات النظري او العملي خطفتني وزي ما هي لفتت نظري انا وكل شباب الجامعة .. انا كمان كنت لافت نظرها هي وكل بنات الجامعة ..

وبدات الناس تتكلم عننا ويلاحظوا نظراتنا لبعض ويقولوا اننا لايقين علي بعض ..

لحد ما اتفاجئت في مرة ان ليلي بتقرب مني . البنت دي مش معقولة فيها سحر غريب .
مجرد قربها مني شعرت برجفة خطفتني وسعاده رهيبه..
وطلبت مني اشرحلها حاجه هي مش فهماها في المحاضرة ..

مكنتش فاهم وقتها هل هي فعلا بتستعين بيا عشان انا اشطر طالب في الكلية بتاعتنا ولا هي بتقرب في محاولة لفتح كلام بنا ...

اقولكم ،، انا في كل الاحوال كنت حاسس بسعاده غريبه شرحتلها الجزء الي هي مش فهماه بس مبطلناش كلام فضلنا نتكلم لحد ما خلصنا الجامعه وخرجنا قعدنا في مطعم وكلنا وشربنا وبرضه احساس غريب جوايا وجواها مش قادرين نبعد عن بعض🖤

لحد ما قالتلي انا اتاخرت لازم اروح ،، 

لقيتني بقولها ،، لازم اشوفك بكره ،،🖤

ولقيت ابتسامتها ظهرت علي وشها وشكلها مرتاحه🖤

روحت وانا حاسس ان الفرحة شايلة وزن جسمي من علي الارض
وسهرت كتيييير اليوم ده .. ونمت 🏴
اليوم ده تحديدا حبيبتي الي من الجن مجتش في الحلم ..!!

صحيت الصبح استغربت جدا ، لكن مخدش الموضوع مني تفكير كتير .. وكنت صاحي عندي نشاط وطاقه كبيرة وبجري عشان اروح الجامعة عشان اشوف ،، ليلي ،،

ومع اول لقاء بيني وبين ليلي اليوم ده كأن عيونا بتحضن بعض .. وخلصنا محاضراتنا وفضلنا قاعدين في كافيتريا الجامعه لحد ما الجامعه قفلت تقريبا .. خرجنا كملنا قاعدتنا علي مطعم علي النيل ، كان الجو هادي زي الهدوء الي في عيون ليلي 🖤

واعترفتلها ان دي اول مرة في حياتي احس بميل تجاه اي بنت 🖤
وان مفيش وقت سعيد في حياتي ممكن يتقارن بالسعاده الي انا بحسها مع ليلي 🖤

وخلال اسبوع واحد بس ..!! كانت اعترفتلي بحبها ليا من قبل حتي ما اعترفلها انا ..

ليلي ... هدوء الليل في ملامحها 🖤 صفاء السما في عيونها 🖤 رقة الموسيقي في صوتها ..؟؟!!

غلبتيني وغلبتي حبي لجنية احلامي 🖤

في اليوم ده روحت ونمت وفاتح صورتها علي الموبايل عندي ونمت ..

وبعد حوالي اسبوعين كاملين مجتليش الجنيه ولا مرة في احلامي جاتلي المرادي ،،🏴

بس المرادي .. كان شكلها مرعب🏴‍☠️
الملامح الجميلة الي كانت بتحضر بيها والنعومة اتبدلت 🏴
منظر مخييييف .. انا وهي في وسط دايرة من الاجسام علي شكل اشخاص كل ملامحهم مش ظاهرة كانهم ظل لكن مجسم بجسم انسان 🏴
وانا وهي في النص وملامحا كانت بشعة .. راسها طويلة .. عيونها حمرا مفهاش نيني .. جلدها مشقق .. ودانها طويلة ومدببة وصوتها صعب ومرعب ومفزع 🏴‍☠️

وهي بتقولي "انت بتخوني مع الانسية الحقيرة دي ..!! عجباك ..!! انت عارف انا ممكن اعمل فيها ايه ؟؟
انا ممكن احولها لمخلوق مسخ بشع الملامح تخاف تبصلها اكتر مانت خايف تبصلي دلوقتي 🏴‍☠️🏴‍☠️
والجملة الاخيرة دي يا باسم اقسملك انها قالتها بصريح حاد حرفيا كان جسمي بيتنفض وانا علي السرير وحاس اني بحلم وحاسس ان جسمي بيتنفض ومش قادر اخرج من الحلم ولا قادر اخرج من الدايرة الي جوة الحلم 🏴
وفجأة ......... 

🏴‍☠️🏴‍☠️🏴‍☠️🏴‍☠️🏴‍☠️🏴‍☠️🏴‍☠️🏴‍☠️

انتظرونا مع الجزء الثالث 3️⃣

🏴‍☠️🏴‍☠️🏴‍☠️🏴‍☠️🏴‍☠️🏴‍☠️🏴‍☠️🏴‍☠️

لو عجبتك قصة صديقنا وعاوز تتابعها اكتب تم من داخل البوست..

تأكيد : من داخل البوست عشان لو شوفت البوست من علي اي جروب مش هتظهرلنا هنا عالصفحه..

ومش هعرف ابعتلك الاجزاء الجاية الي هيعيش فيها صديقنا لعالم الجن فترة ٤ شهور 

وماتنساش اللايك والكومنت يا مخوفاتية 🖤

تجارب حقيقية ٢ ▪️

#رعب_باسم_سليمان ▪️

لينك قناة اليوتيوب الي هنبدا نسمع عليها القصص التي حدثت بالفعل 👇
https://youtube.com/@basemsoliman1982

تعليقات

إرسال تعليق

المشاركات الشائعة من هذه المدونة

الكاتبة فاطمة محمد بدوي رواية بعنوان يوميات زوجة وزوج الجزء الاول يوميات زوجة وزوجاليوم الأول احمد... حبيبتي ألف مبروك عليا وجودك في حياتي طول العمر تنظر بخجل الي الأرض وجهها تشوبه حمرة الخجل وتبتسم فيرفع ذقنها اليه وتلتقي نظراتهما فيسبح احمد في اللون الازرقاحمد.... عارفة يا فاطمه انا لغاية دلوقتي مش مصدق اننا اتجمعنا سوا بعد كل المشوار دا انا كنت خلاص حاسس ان مبقاش فيه املفاطمه.... وانا عمري يا احمد مافقدت الأمل يوم اننا نكون لبعض بس كله بارادة الله ووقت وميعاداحمد..... فاكرة اول يوم ياحبيبتي اول لقاء بيننا كان ازايفاطمه..... ههههه طبعا فاكره ياحبيبي اول مرة اتقابلنا فيها واول كلمة حب قلتهالي من قبل ماتشوفنيفلاش باكمن موقع الزواجاحمد..... الو سلام عليكم فاطمه..... وعليكم السلام احمد... انا احمد تراسلنا علي موقع الزواج فاطمه.... اه طبعا عارفه حضرتك لانك قلتلي هتتصل النهاردةاحمد.... طيب شوفي نتقابل امتي وانا اجيلكفاطمه.... علي طول كدا من غير ما تعرفنياحمد.... انا بحبك من قبل ما اشوفك طريقة كلامك واسلوبك حاسس اني بحبك فاطمه... خلاص شوف عاوز نتقابل امتياحمد.... خلاص هبلغك ان شاءلله وهاجي نتكلممش عاوزة حاجه فاطمه... ربنا يخليك ميرسيودا كان اول مهاتفة بيننا وتحدد موعد اللقاءوالي الغد في الجزء الثاني من يوميات زوجة وزوج بقلم فاطمة محمد بدوي

-
صورة
يوميات زوجة وزوج اليوم الأول  احمد... حبيبتي ألف مبروك عليا وجودك في حياتي طول العمر  تنظر بخجل الي الأرض وجهها تشوبه حمرة الخجل وتبتسم فيرفع ذقنها اليه وتلتقي نظراتهما فيسبح احمد في اللون الازرق احمد.... عارفة يا فاطمه انا لغاية دلوقتي مش مصدق اننا اتجمعنا سوا بعد كل المشوار دا انا كنت خلاص حاسس ان مبقاش فيه امل فاطمه.... وانا عمري يا احمد مافقدت الأمل يوم اننا نكون لبعض بس كله بارادة الله ووقت وميعاد احمد..... فاكرة اول يوم ياحبيبتي اول لقاء بيننا كان ازاي فاطمه..... ههههه طبعا فاكره ياحبيبي اول مرة اتقابلنا فيها واول كلمة حب قلتهالي من قبل ماتشوفني فلاش باك من موقع الزواج احمد..... الو سلام عليكم  فاطمه..... وعليكم السلام  احمد... انا احمد تراسلنا علي موقع الزواج  فاطمه.... اه طبعا عارفه حضرتك لانك قلتلي هتتصل النهاردة احمد.... طيب شوفي نتقابل امتي وانا اجيلك فاطمه.... علي طول كدا من غير ما تعرفني احمد.... انا بحبك من قبل ما اشوفك طريقة كلامك واسلوبك حاسس اني بحبك  فاطمه... خلاص شوف عاوز نتقابل امتي احمد.... خلاص هبلغك ان شاءلله وهاجي نتك...
قراءة المزيد

الشاعر محمد سليمان أبو سند قصيدة بعنوان لا نوم في الليل

-
صورة
(( لانوم في الليل ))  بقلمي محمــد سليمــان أبوسند  أيها القلم النازف دوما ، عبر الدرب قارعاََ وضاربا بالرأس طبول ،  كلما هدأت ، كلما أشعلتها الظنون ،  كيف من حماقتك أن تصنع أغنية تشدو بها وقت الصمت ، وقت الفراغ ووقت الصراع ووقت الضياع  هارباََ متخفياََ   حائراََ نافراََ غاضبا محطماََ بيدك كل الحصون ، ممزقاََ كل ماتبقى في جعبتيك من أوراق ، ظننتها يوما دليل براءتك ، فكانت أدلة الاتهام ، وختمتها الليلة باشعال مابالقلب  من صراعات ، فكانت ذئاب الليل تنهش عظامك ، تطحنها تذوب كذرات الثرا في الهواء ، وكأحلام العصافير وقت الغروب ، لانوم في الليل ولا حياة لنهار  بقلمي محمــد سليمــان أبوسند
قراءة المزيد

الكاتبة دعاء الشاهد قصة قصيرة بعنوان البحث عن عالم آخر

-
صورة
#تغريدة:                           " البحث عن عالم آخر"         جمعت أشلاءها المتناثرة من على صفحات الماضى الأليم، وحملت حقائبها، وقررت أن ترحل تاركة كل شىء خلفها من زمن سحيق كان أشد قسوة عليها ، باحثة عن عالم آخر لعله يضيىء لها الباقى من حياتها، عالم تملؤه السعادة والبهجة ويعمه الحب، عالم نقى قد رسمت صورته فى مخيلتها، وباتت تحلم به كل ليلة، وكثيرا ما تمنت أن تعيش فيه، ودب الأمل داخلها فأسرعت خطاها تتملص مما يعيق حركتها لتلقى به على جنبات الطريق حتى تلحق أن تجنى ثمار أملها، ولكنه القدر الذى لم يمهلها ويلعب دائما لعبته فقد وصلت إلى محطة فرارها لتجد القطار قد تحرك مسرعا بعد أن أطلق صفيره ليعلن رفضه لها ولرحيلها، وكأنه يقول لها إلى أين ستذهبين؟ هذا عالمك كيف تهربين منه؟ ولاحقت نظراتها القطار الذى اختفى على مرمى منها آخذا معه حلمها . ووقفت لبرهة تتأمل حالها بين الأمل الذى كان منذ لحظة يغمرها وبين اليأس الذى سيطر الآن على كيانها، وساد صامتها وظلت فى سكون تام لا تعرف ماذا تفعل؟.  هل تبقى داخل عالمها...
قراءة المزيد