الكاتب احمد محمود محمد قصة بعنوان روح
ࢪوح +18
لـ احمد محمود محمد
مستوحاه من قصه حقيقيه..
كانوا ديما بيقولولنا زمان ان السحر ممكن يدمر بيوت ويضيع مستقبل اى شخص بس مقالوش ان السحر ممكن يكون سبب فى موت البنى ادم
هل غلطه عملتها فى ماضييك ممكن تدمر حياتك الجايه كلها
هانى كانت كل ايامه عباره عن حفلات صاخبه وسُكر ورقص ومغنى
كان بيحب بنت عمه واللى كان اسمها روح وكان بيتمنا يتجوزها بس ده الظاهر للناس انما الباطن كان غير كده خالص. فيه يوم قرر انه يصارحها بالحقيقه
وكان ردها. انك مجنون انا ست متجوزه وبحب جوزى
طلب منها متسيبش جوزها بس تفضل معاه وهنا بانت نيته الدنيئه
وطبيعى زى اى امرأه طاهره ضربته بالقلم فقرر ينتقم منها انتقام بالغ
قعد ف الليله دى مع واحد صاحبه وفضل يفكر ويشرب لحد ما بقاش شايف قدامه
وصاحبه استغل الفرصه دى واخده لبيت مشبوه بحجه نسهر ونفرفش مع بعض شويه.
بس صاحبه ده كان ليه مصلحه من ورا الحكايه دى كان عاوز يسلمه لـ نادين
ونادين دى كانت مساعده دجال مشهور اوى ومعروف بأسم الشيخ شمندى
وكان اتفق معاها من فتره انه يجبلها زباين للدجال بتاعها وياخد اجرته
نادين عرضت على هانى انه يروح للشيخ ده ده طبعا بعد ما سمعت حكايته ولأنه كان مغيب من كميه الخمور اللى شربها بقا يقولها على كل حاجه
وفهمته ان الشيخ شمندى ده اللى هوه اساسا دجال راجل سره باتع ويقدر انه ينفذلك كل طلباتك
هانى فضل اليوم كله يفكر ف الموضوع لحد مااخد قرار انه يروح للراجل ده
ولما راح ليه.. سأله الدجال انتا جاى لى؟.
قاله انه بيحب بنت عمه اللى متجوزه ونفسه تكون معاه وطلب منه انه يعمله عمل خراب بيوت وتجيلى راكعه
وفعلا الدجال مكدبش خبر وراح قاله هاتلى صورتها
ولأن هانى دى كانت بنت عمه كونه يعنى انه يجيب صورتها دى حاجه ساهله
وبعد ما ادى صورتها للدجال. وقال ردد ورايا
فضل الدجال يقول شويه كلام مش مفهوم بلغه غريبه شويه وكان هانى بيردد وراه ومسك ديك احمر من اللى معروف انه بيستخدم فى السحر واخد منه ريشه وقام دبحـ ـ ـه
واخد شويه من دمه ورسم شويه طلاسم بالدم والريشه على صوره روح
وحط الصوره قدامه وفضلوا هما الاتنين يرددوا كلام غريب هانى نفسه مكنش عارف هوه بيقول ايه
لحد ما الصوره فضلت تتهز جامد جامد وبدأت الطلاسم والرموز اللى كاتبها تشكل شويه كلمات
وكتبت روح-فراق- خناق- عشق
بعدها الدجال قاله ان العمل اشتغل وبكره الصبح هتسمع اخبار تسعدك
عدت اول ليله وفعلا سمع ان روح اتخانقت مع جوزها وتانى يوم كمان رغم انهم بيحبوا بعض وجات تالت يوم واشتكت جوزها لهانى انه بقا عصبى جدا وبيضربها ومبقتش مستحمله العيشه معاه
هانى مكنش يعرف ان العمل مفعوله قوى جدا كده
واللى استغل الفرصه عشان ينتقم ويعمل اللى هوه عاوزه وفضل يقلها كلام ويزن على ودانها انها لازم تخلص من جوزها
بيعدى يوم والتانى وروح كل ليله عند هانى لحد ما قررت تخلص من جوزها فعلا بمساعده هانى
دلها على شمندى وقالها خدى صوره جوزك وروحى اعمليله عمل بالموت والزن على الودان امر من السحر
ولما راحت لشمندى اخد الصوره منها واخد 2000 جنيه ومسك الصوره وكتب عليها رموز وطلاسم وشويه كلام كده زى حادثه - مـ ـ ـوت
وقالها تحطى العمل ده فى شويه مايه وبعد كده تاخدى من المايه دى وترشيها على اكله قبل ما يروح شغله
وفعلا عملت كده وكلها ساعه والشرطه تتصل بيها البقاء لله يامدام جوزك عمل حادثه ومات فى الحال
روح كانت فرحانه بس ده تحت تأثير العمل تعتبر مغيبه يا ترى لما تفوق هيحصل ايه؟
بعد مااخدت العزاء تانى ليله راحت لهانى البيت وكان مجهز اكل وشرب وكل حاجه وعارف انها جايه
وفضل يشربها لحد ما سكرت ودخل معاها فى علاقه محرمه وده اللى كان عاوزه
وسابها ومشى تعدى ايام وروح تعرف انها حامل ولما بتصارح هانى
هانى بيتهرب منها ويهددها انه هيفضحها ولما فضلت تزن عليه هيا كمان قرر يخلص منها بس كان ناسى حكايه العمل دى خالص
وان العمل هوه اللى مخليها متعلقه بيه اوى كده قرر انه يقتلها وكلف صاحبه اللى دله على الدجال
وفعلا صاحبه راح بيتها واعجب بجمالها قرر انه يتعدى عليها وبعدها يخلص منها
ولأن هيا ست حامل مقدرتش تقاوم الراجل ده وكمان جالها نزيف حاد ووقعت ع الارض اغمى عليها
افتكرها ماتت ونزل من بيتها وهوه بيجرى زى المجنون وراح طمن هانى وقاله انى دبحتـ ـ ـها
ولحسن الحظ كانت صحبتها نسرين جايه تزورها ف اليوم ده دخلت عليها لقيتها مرميه على الارض وبتنزف طلبت الاسعاف ولحقوها لاكنها فقدت الجنين
لما هانى عرف بكل اللى حصل ده كان مستغرب المهم افتكر العمل وراح لشمندى واداله فلوس وفكهوله
وروح كانت فاكره ان حملها من جوزها اللى مات لانها اكتشفت الحمل تقريبا بعد اقل من اسبوع من موته ولانها كانت تحت تأثير العمل مكنتش فاكره اى حاجه حصلت
تعدى سنين وسنين بالصدفه وهيا بتنضف اوضتها لاحظت ان فيه مكان ف المرتبه متخيط. بالايد فتحته ولقت جواه ورقه العمل بتاعها اللى كان عامله ليها هانى
سألت صحبتها نسرين فا نسرين قالتلها نروح لشمندى دول بيقولوا عليه سره باتع ويقدر يعملك اى حاجه انتى عوزاها...
و اخدت العمل معاها وراحت لشمندى واللى كان مفهمها انه ولى من اولياء لله الصالحين وانه مش دجال ولا حاجه وسالته ايه ده؟
وكان رده ان ده عمل اتعملك من اكتر من ست سنوات بالتفريق بينك وبين جوزك طبعا ده ساحر يعنى مش مطلوب منه يحفظ اسرار حد
وسألته مين اللى عمله؟
فقال ان اللى عمله هانى ابن عمك وحكالها كل اللى حصل وكان منتظر منها اى رده فعل تجاه هانى يعنى تطلب منه اى حاجه يعملها
فقالت انا مش عاوزه أذيه ولا أذى حد خصوصا انه متشرد وحتى مفيش واحده هتقبل تتجوزه..
ضحك الساحر ضحكه كلها خبث وطلب من مساعدته انها تروح وتجيب مرايه من جوه وجات المرايه وكتب اسم هانى عليها بس بلغه غريبه جدا وشويه طلاسم
وفجأه ظهر هانى ف المرايه وشافوه وهوه متجوز ومخلف ولد زى القمر وسماه محمد ومراته تبقا دينا اعز صاحبه لروح فى ايام ابتدائى
وهنا كانت صدمه روح لما شافت دينا مع هانى وقررت تروح تزور ابن عمها وتشوفه
لما وصلت استقبلتها دينا على اساس انها جايه تباركلها على الجواز وكده
بس اتفجأت دينا لما روح سألت عن هانى ومحمد. ابنهم
دينا قالت انتى عرفتى اسم محمد وهانى ازاى..؟
روح كان ردها ببرود وقالت هانى يبقا ابن عمى شقيقى وانا كنت مسافره بره مصر ولما نزلت كان لازم اجى ازوركم
دينا اتفجأت معقوله هانى ابن عمك عمره ما قالى ابدا !
اكيد مجتش فرصه وفجأه يدخل هانى ومعاه ابنه الصغير محمد واللى كان قاعد على كرسى متحرك..
لما شاف روح مبقاش قاعد على بعضه وكان مضايق كده ولما محمد سأل مين دى يابابا.. قاله دى عمتك يا محمد
روح فرحت اوى بمحمد وحضنته وقالتله عارف يا محمد ابوك ده احسن راجل فى الدنيا ده اكتر واحد ساعدنى فى حياتى وبصت ناحيه هانى بمكر كده وقالت ولا نسيت يا هانى.. كأنها بتهدده
رد وقال مفيش بين الاخوات شكر ولا جمايل يا روح فقالت اه طبعا واحنا اخوووات اوى
استأذن انا يا دينا عشان عندى شويه مشاغل كده.. مشيت روح من عندهم وطلعت جرى على شمندى وطلبت منه انه يفرق بين هانى ودينا مراته
وقالها طلبك مش عندى انما انا عندى ليكى حاجه احسن من كده بكتيير...
انا هموتهم خالص كلهم
قالت لأ لا هما ملهمش ذنب انا عاوزه افرق بينهم وبس دينا ومحمد ملهمش ذنب
طاب مانتى جوزك مكنش ليه ذنب ومع ذالك مات!
ايوه بس انا كنت مغيبه وانشاء لله ربنا هيسامحنى لاكن محمد ملهوش ذنب خالص...
طاب مانتى ابنك مكنش ليه ذنب
فى لحظه الدموع نزلت من عيون روح وقالت ابنى ابنى انا مليش اولاد
لأ ليكى يا روح وهوريكى طلع نفس المرايه ووراها كل اللى حصل معاها زمان ولما اجهضت ابنها بسبب هانى وصاحبه
فكانت لازم تنتقم لانهم قتلوا ابنها.. وطلعت على بيت صاحب هانى وخبطت الباب عليه لما فتح قالتله والنبى لو سمحت انا ست غريبه مش من هنا وعاوزه اى حاجه اروح بيها
طاب اتفضلى. طبعا هيا كانت عارفه انها حلوه فى عينه ودخلت قعدت جوه لما دخل جاب حاجه تشربها استغلت انشغاله فى انه بيجبلها الفلوس وحطتله مخدر ف العصير
لما شرب العصير بدأ يدوخ قامت طلعت سكينه ورشقتها فى رقبته وقتلته فى الحال وهيا بتهرب وقعت منها صوره صغيره ليها بس مأخدتش بالها خالص
وراحت لشمندى وقالتله انا موافقه ان كلهم يموتوا انا خلاص قتلت ومبقتش باقيه على اى حد
قالها انا هخدمك واعملك عمل يفرق بينهم ويدمر نسل دينا خالص ومتقلقيش انتى مش هتتأذى لانك مش من نسلها ولا هيا تقربك؟
لا متقربليش انا ابقا بنت عم هانى وبس
قالها انا هعملك عمل امعاء الكلب والعمل ده ليه شروط اولها تجبيلى دم حيض للى اسمها دينا دى
طاب ده انا اجيبه ازاى.. ؟!
وهمس فى اذنها وقال هديكى شويه مايه ترشيهم ف حمام بيتها وتانى يوم هتروحى هتلاقى مناديل فيها المطلوب
وفعلا عملت كده وراحت بحجه انها عاوزه تشوف محمد وتطمن عليه واستغلت ان دينا بتعمل الشاى ودخلت رمت المايه دى ف الحمام
ومشيت من غير استئذان وتانى يوم راحت لدينا تانى عشان تعتذر لها عن انها مشيت امبارح من غير ماتقول وفضلت قاعده معاهم اليوم كله وبعدها
طلبت قبل ماتمشى انها تدخل الحمام وفعلا دخلت ولقيت منديل فيه دم مرمى ف سله الزباله
واخدته حطته فى شنطتها ومشيت.. وراحت للساحر وادته المنديل
تانى حاجه قالها هديكى شويه مايه لازم تشربى منهم وشربت فعلا وبعدها قالها انا عاوز عظمه لوح الكتف لبنت تكون صغيره ف السن وتكون لسه ميته بالبلدى كده طازه
ميكنش عدا على موتها 24 ساعه... انا هبعت معاكى المساعده بتاعتى نادين وهيا هتتصرف انتى كل اللى عليكى انك تقطعى عظمه لوح الكتف زى ما قلتلك
راحت نادين مع روح للمقابر وعرفوا من التربى واللى كان راجل كبير ف السن وعجوز اوى
وطلبوا منه جثه البنت والراجل عشان عنده ضمير رفض وفضل يسرخ فكان جزاته ان روح مسكته من رقبته وخنقته ومات فى الحال
فتحوا التربه وطلعوا جثه البنت دى واخدوا منها عظمه لوح الكتف زى ما الدجال كان عاوز
روح طلعت سكينه وشالت الكتف كله من مكانه ودفنت التربى جمبها وقفلت عليهم القبر ومشيت
وراحوا للساحر وخلاص تقريبا كل حاجه جاهزه للعمل جاب اولاد الكلب وموته وفتح معدته واخد امعائه ومسك العضمه بتاعت الكتف
بعد ما حط المنديل اللى فيه الدم فى مايه ولف امعاء الكلب على عضمه الكتف وبعدها دلق عليهم مايه اللى فيها الدم
وبعدها كسر العضم بالامعاء لاربع قطع وقال للمساعده بتاعته حطى قطعه فى المكان الفلانى وبعد ربع ساعه بصى عليها لو لسه موجوده يبقا الجن مستجابش للعمل
لو مش موجوده يبقا العمل نجح والجن استجاب ورجعت مساعدته وقالتله العمل نجح
امرها انها تاخد التلات حتت الباقيين وتدى حته منهم لروح تخليها فى بيتها والحتتين الباقيين واحده تحطيها فى دم الحيض بتاع دينا
والرابعه فى بيت هانى فى اى مكان مخفى وفعلا حصل اللى قال عليه الدجال وبعد اخر حته اللى اتحطت فى بيت هانى بدأت الاحداث الغريبه انها تحصل
الناحيه التانيه ريحه صاحب هانى اللى قتلته روح بدأت تطلع والجيران اشتكوا وجه البوليس وبالصدفه شاف صوره روح وامر انهم يجمعوها من تحت الارض وكل السكان والجيران اكدوا انهم ميعرفوهاش
وانها غريبه عن المنطقه وعمرهم ماشافوها.. بس الدليل الوحيد هوه بصمتها اللى على السكينه
واللى سابتها فى رقبة القتـ ـ ـيل
نرجع لبيت هانى اللى كان بيعانى مراته دينا بقت عصبيه جدا جدا ده غير معاملتها القاسيه حتى لأبنها المعوق
وبﮂات الاحداث الغريبه تحصل ف البيت والكنب والكراسى كل يوم الصبح هانى يصحا يلاقيه بيتحرك لوحده
حتى محمد ابنه اتغير تجاه ابوه وبقا كل شويه يشتمه ومش طايقه فى يوم رجع هانى للبيت وكان معاه شيخ وقال ان اكيد ده حسد
وبمجرد دخول الشيخ للبيت ده اتخض وعيط وقال حالتكم صعبه يبنى انتا هتفقدهم
ومشى من البيت من غير ما يعمل حاجه خالص شويه وهانى دخل المطبخ وكانت دينا واقفه بتغسل المواعين دخل يكلمها وهيا مش بترد خالص
لحد ما سألها مش بتردى لى. بصت عليه بعيون كبيره خارجه من تجويف العين وبسنان طويله وبوش مليان شعر وقالتله.. انا مش دينا وخرجت دخلت الحمام قام دخل وراها ويفاجئ بدينا وهيا بتحاول تشنق نفسها لأكنه لحقها بسرعه...
وفجأه بيبص وراه لقى محمد ابنه اللى مش بيمشى واقف وراه وعيونه بتنزل دم وقال انتا لى قتلت امى... الموضوع بقا غريب لهانى ومحير
فى نفس الوقت كان فيه شويه حاجات غريبه كده بتحصل مع روح كانت مسترخيه على سريرها فى بيتها فجأه الباب بيخبط
تقوم تفتح وتلاقى صاحب هانى وجوزها والتربى فى وشها وشكلهم مرعب ووشوشهم حمراء وغضبانين وجوزها بيقلها خاااينه انتى محبتنيش
روح تتخض كل واحد فيهم ماسك مشرط وفجأه روح تصرخ صراخ جامد ونلاقى امها بتدخل عليها ولقتها مخضوضه وبتعيط وخايفه
وفجأه التم تمسك قلبها وتتعب تقرب منها روح وتقعدها على السرير والام كانت عاوزه تتكلم وقالتلها اسمعى يبنتى فيه سر خطير انا مخبياه عليكى..
انتى بنتى بس ليكى اخ من اب تانى. انا اتحوزت قبل ابوكى واحد وعشت معاه احلا سنين عمرى جات علينا ايام بقت جدتك مش طيقانى وطلقونى منه ورمونى انا وابنى
بعد ما خلفته خطفوه منى وبعدها اتجوزت ابوكى وخلفتك
والاخ ده مين وهوه فين دلوقتي؟ الاخ ده يبنتى يبقا هانى ابن عمك 🙂
ايه مش ممكن هانى هانى يبقا اخويا.. اه يبنتى هانى يبقا اخوكى معقوله ياامى لا لا انتى كداااابه
الله يسامحك يبنتى بس والله العظيم مكنتش اعرف الا من كام يوم... قربت روح من امها وحضنتها ولفت رقبتها 360 درجه وقتلت امها
وهيا بتعيط وبتقول انتى السبب انا نمت مع اخويا بسببك وجالها حاله غضب رهيبه وجه اليوم الرابع اللى مفروض تموت فيه دينا.. ونسلها
بس مع الاسف السحر انقلب على الساحر طلعت روح جرى على بيت الساحر بتترجاه انه يبكل مفعول العمل ده مش عاوزه تقتل دينا دى عاوزه تقتل هانى اخوها
وقالها العمل عدا عليه يومين مقدرش ابطله وطلعت سكينه من هدومها وقتلت الساحر وفجأه البيت كله اتقلب ارواح بيضاء واطياف
واصوات غريبه ف كل حته وكل مكان... وهربت روح ووصلت لبيتها فضلت تفكر هتعمل ايه خلاص باقى اربع ساعات على منتصف الليل اللى مفروض تموت فيه دينا ونسلها كله اللى هوه ابنها محمد
لازم اعمل حاجه مش دينا اللى لازم تموت بس هانى اللى لازم يموت
تعدى ساعتين ونص وتبدأ روح تحس بإحساس غريب حاسه انها مهزوزه وجسمها مكسر ومش قادره تقف وفجأه بدأت تتشنج وتتلوى على الارض زى التعبان وبعدها بدأ عضم جسمها كله يتكسر بصوت عالى جدا بدأت بالايدين وبعدها الرجلين وبعدها عظام الضلوع وماتت روح
فى حين الناحيه التانيه بدأ هانى يحصله اللى بيحصل لروح وهوه واقف قدام مراته وابنه بدأ عضم راسه يتكسر ويصرخ بصوت عالى وبعدها عظام ضلوعه ومات فى الحال
واللى عنايه ربنا نجته هوه الطفل البرئ محمد ماتت روح ومات ابوه
والحكايه حصلت ان الدم اللى كان على المنديل ده مش دم الحيض بتاع دينا انما هوه دم من هانى والعمل اتعمل عشان دينا تموت هيا ونسلها
بس متعملش لهانى يموت هوه ونسله والعمل اتقلب على هانى ومات هوه ونسله وعشان روح تبقا اخته ماتت زيه لانها من نسله
وبعدها جه شيخ وطلع الكبد اللى مدفون ف بيت دينا ومحمد وعاش محمد مع امه ف امان والشيخ فهمهم كل اللى حصل...
والقصه دى فيها عبر كتيره اولها
(ان لو كل البشر اجتمعوا على ان يضروك بشيئ لن يضروك الا بما كتبه الله لك)
بسكده وهنا خلصت قصتنا
#رعب_احمد_محمود
تعليقات
إرسال تعليق