الكاتب حسن الأمير العريني قصة بعنوان قضية ضد مجهول

قضية ضد مجهول كاملة

بقلم حسن الامير العريني

اعرفكم بنفسي الاول انا الرائد مامون الدهشان رئيس مباحث قسم من اقسام القاهرة وجالي قبل الفجر بشوية بلاغ ان في جثة موجودة في شقة الجيران شموا الريحة و بلغوا وروحت على هناك انا و معايا النقيب محمد ابراهيم معاون المباحث ولاقيت راجل فاتح بوقه على الاخر يمكن كان بيصرخ وعينيه مبرقه و جزء من شعره ابيض باين قوي انه جسمه متقطع والاثار دي بتاعت حيوان مفترس

مامون : الراجل ده شاف رعب فظيع قبل ما يموت .عرفنا حاجة عنه ولا لا

محمد : عرفنا ان اسمه خيري مكرم ساكن هنا من 15 سنه هو مراته و عياله بس من سنتين مراته و عياله اختفوا والجيران بيقولوا انهم طفشوا من عمايله

مأمون : وايه بقى عمايله دي

محمد : الراجل ده كان افعاله غريبة دخل في جو تحضير الجن وشغل الشعوذة وفي يوم الناس سمعت صوت صريخ جامد خارج من شقته بس هما كانوا اتعودوا على كده بس شوية وسمعوا مراته بتزعق جامد وبتقوله انت هتموتنا باللي بتعمله ده وشافوها نازلة ومعاها شنطة هدومها هي وعيالها و مشيت ومن ساعتها محدش يعرف عنها حاجة وبعد ما مراتوا اختفت بقى يوميا صوت الصريخ ده وفي حد من الجيران بيقول انه سمع صوت مراته بتزعق

مامون : انت مش قولت مراته مشيت

محمد : ايوه يا فندم وده اللي الجيران مستغرباله انهم من وقت للتاني كانوا بيسمعوا مراته بتزعق و اوقات تانية كانوا بيسمعوا اصوات اطفال

مامون : عموما النيابة والطب الشرعي جايين دلوقت انا عايزك تامن البيت كويس وتحاول تعرف لو في حد بيتردد عليه ولا لا

محمد : تمام يا فندم

خرج النقيب محمد و انا وقفت ابص على الجثة منظر بشع بس يا ترى من اللي هيعمل فيه كده يمكن مراته بس الخرابيش و التقطيع اللي في جسمه ده مش سكينة ولا ضوافر بني ادم , وصل كريم هارون وكيل النيابة

كريم : مامون باشا اخبار معاليك

مامون : تمام يا كريم باشا نحمد ربنا اهو مصحيني من النوم الساعة اتنين و نص الفجر على جثة

ايمن : يعني هما صحوك لوحدك عموما فين يا سيدي الجثة

دخلت انا وكريم على الاوضة ورفعت الغطا من على الجثة و طبعا السيد وكيل النيابة مستحملش المنظر

كريم : غطي غطي ايه البشاعة دي مين اللي ممكن يعمل كده في بني ادم

مامون : الصراحة انا زيك برضو مش متخيل ان حد ممكن يعمل في حد كده بس اهو حصل ولازم نتعامل معاه

كريم : ربنا يكون في عون الطب الشرعي متعرفش من اللي جاي منهم

مامون : بنسبة كبيرة هتبقى الدكتورة منه خطاب هي اللي ماسكة القسم عندنا

كريم : كويس انا بثق فيها و بثق في تقاريرها

ومعداش وقت ووصلت الدكتورة منه هي صغيرة اه بس شاطرة جدا وفعلا زي ما كريم قال تقاريرها بتحل قضايا كتير ما هو كل ما كان تقرير الطب شرعي دقيق و صح كل ما القضية تخلص بسرعة

بقلم حسن الامير العريني

كريم : حمدالله على السلامة يا دكتورة ايه التاخير ده كله

منه : تاخير ايه بس مصحيني من النوم في عز الليل وجايبني من شرق القاهرة لغربها و تقولي تاخير فين البلوة بتاعت المرة دي

مامون : اتفضلي يا دكتور

منه وشها احمر اول ما شافت مامون

منه : مأمون باشا ازي حضرتك

مامون : اهلا وسهلا يا دكتور انا الحمد لله زي زيك صحوني من النوم و جبوني على جثة

كريم : نجيب شاي بقى و نقعد نشكي همنا لبعض يالا يا دكتور و بعد اذنك انا عايز اقفل المكان بقى

مامون رفع الغطا عن الجثة

كريم : انا هطلع بره مش قادر على المنظر ولا الريحة

و خرج كريم

منه : انا مش عارفه وكيل نيابة ازاي ده

مامون : يا دكتور الناس دي ملهاش دعوة بشغلنا هو بس لازم يكون موجود اتفضلي انتي شوفي شغلك وانا واقف معاكي لو احتجتي اي حاجة

منه : شكرا ليك

وابتدت منه تطلع حاجات من شنطتها الصراحة شغلهم متعب و مقرف في نفس الوقت الغريبة انها كبنت يعني ماسكة الجثة وعماله تقلب فيها يمين وشمال

منه : الشخص ده حصلتله حاجة مرعبة و الخدوش والخرابيش اللي في جسمه دي ميعملهاش غير اسد او حيوان مفترس من الحيوانات الكبيرة بص كده الفرق بين الصوابع و شوف حجم الخدش وفي حاجة تانية غريبة

مامون : حاجة ايه

منه : مفيش ولا نقطة دم حوالين الجثة الراجل ممتش هنا الراجل ده اتقتل في مكان تاني وجثته اتنقلت هنا

مامون : انا فكرت في كده برضو بس يعني مبحبش احط افتراضات الا بعد ما الطب الشرعي يشوف

منه : وحاجة تانية مش واخد بالك ان هدومة مفهاش دم

مامون : لا دي مركزتش معاها

منه : يعني ايه واحد اتقطع بالطريقة دي و تكون هدومه متقطعه بس مفيش عليها دم كمان لون وشه الاسود ده كانه محروق بس مفيش اي اثر لاي حروق بصراحة انا مش هعرف احدد اي حاجة هنا لازم الجثة دي تتشرح عشان اعرف ادي تقرير ,

وسجلت منه اللي حصل طبعا في التقرير الاولي وخرجت من الاوضة

كريم : ها يا دكتور لاقينا ايه

منه : مش هقدر اقول لحضرتك حاجة الا لما اشرح الجثة بس اللي اقدر ااكده الراجل ده اتقتل في مكان غير شقته ورجع اتنقل هنا و التقطيع اللي في جسمه ده ممكن يكون حصل بعد القتل وبفترة كمان لان ده التفسير الوحيد ان مفيش دم على هدومه

كريم : يعني احنا قدام جريمة قتل طيب سيادة الرائد انا عايز بكرة كل جيران المجني عليه عندي وهو متجوز او ليه اهل او معلومات عرفتها عنه

مامون : ليه زوجة بس مختفية من فترة الجيران بيقولوا انها اتخانقت معاه وشافوها نازلة ومعاها اولاده وشنطة هدوم ومن ساعتها اختفت

كريم : طيب ياريت يا باشا نوصلها و تكون عندي مع الجيران

ونقلنا الجثة لمقر الطب الشرعي وقفلنا الشقة وشمعناها بالشمع الاحمر وابتديت اجمع الجيران ما انا لازم اعمل محضر عشان يتقدم في النيابة وكل الجيران قالوا نفس الكلام الراجل كان كويس فترة و بعد كده اتجه لحكاية تحضير الجن والشعوذة ومراته سابته واللي لسه على علاقة بمراته قال انها سافرت عند اهلها في كفر الشيخ وقاعدة هناك طبعا بعت للقسم هناك وطلبتها تيجي القاهرة وبلغوها وجت الاشارة بان تم تسليمها طلب الحضور بنفسها وفعلا في نفس اليوم بليل قالولي انها جت ودخلت عندي المكتب

مامون : مدام سهير صح كده

سهير : ايوه يا فندم

مامون : طبعا حضرتك عرفتي الخبر

سهير : ايوه عرفته والصراحة كنت عارفة ان اخرته كده

بقلم حسن الامير العريني

مامون : اخرته كده اللي هو ازاي يعني

سهير : هيموت وهو لوحده ومحدش هيسال فيه وريحته هتطلع والناس هي اللي هتبلغ عنه

مامون : انتي معرفتيش ان جوزك اتقتل

سهير : اتقتل !!!! ازاي.. وعرفتوا مين عمل كده

مامون : للاسف لسه معرفناش بس هنوصله . سمعنا ان كان في مشاكل بينك وبين جوزك

سهير : الكلام ده من زمان ورافعة عليه قضية طلاق كمان

مامون : ممكن اعرف سبب المشاكل

سهير : لما جه خيري اتقدملي كان موظف صغير في بنك ورغم ان والدي من اغنياء كفر الشيخ وانا بنته الوحيدة بس مرفضش وساب الموضوع في ايدي وانا الصراحة كان عجبني اصراره على انه ينجح و قولت واحد بالاصرار ده اكيد هيكون حاجة ووافقت واتجوزنا وعشت معاه سبع سنين ربنا كرمنا ببنت وولد ومش هقول كان ناجح في شغله بس كان بيترقى لحد ما في يوم لاقيته جاي ومعاه كتاب شكله غريب ولما سالته عليه قالي ده العز اللي جاي انا اشتغلت كتير وبجتهد اكتر واحد في الفرع وناس غيري بتترقى بسرعة الصاروخ عشان معاهم واسطة انا بقى قررت اعملي واسطة لنفسي بس من نوع تاني انا مركزتش معاه في الكلام بس بعد كده حاله اتغير بقى يدخل اوضة في الشقة ويقفل على نفسه و الاوضة بقت ممنوعة علينا كلنا ولو بس لمح حد معدي من جنبها يتنرفز ويتعصب ووصلت الحكاية معاه انه مد ايده على البنت الصغيرة يومها انا صممت ادخل الاوضة لازم افهم فيها ايه وتاني يوم بعد ما نزل راح الشغل حضرتك عارف ان الابواب دي بيبقى ليها اكتر من مفتاح بنسيب واحد في الباب والباقي بيتشال وانا عشان حريصة شوية كنت مفرقة المفاتيح دي في اكتر من مكان ودورت عليهم لاقيته خدهم كلهم الا واحد شكله نسيه وفتحت الاوضة ودخلت واتفاجئت باللي شوفته كلها رسومات على الحيطان وفي تماثيل لاشكال غريبة بس اكتر حاجة شدت انتباهي رسمة نجمة زي اللي بنشوفها في افلام الرعب و اللي بيعملوها عشان يحضروا بيها جن او شيطان او اي حاجة من الحاجات دي ولاقيت الكتاب فتحته لاقيته فعلا بيتكلم عن تحضير الجن وكل اللي مكتوب فيه حاجات استغفر الله العظيم كفر و شرك بالله طلعت من الاوضة وسبتها زي ما هي واستنيته لما جه بليل قولتله ما تعرفني الاوضة دي فيها ايه انا مراتك ولازم اعرف كل حاجة عنك مرضيش يتكلم لحد ما قولتله انا وعرف اني دخلتها و كان اسوء يوم مر عليا ضربني جامد لحد ما كنت هموت في ايده وسابني ودخل الاوضة دي وابتديت خلاص مشفهوش في البيت يجي من بره يدخل الاوضة ويخروج منها على ميعاد الشغل حتى الاكل مكنش بياكل معانا ومشاكلنا زادت وهو نفسه ابتدى شكله يبقى وحش وبقيت اسمعه بيتكلم جوه الاوضة وابتدى يبقى في صوت صريخ و عياط وضحك خارج من الاوضة دي والجيران بقت تخاف مننا لحد ما في يوم انا فعلا كنت جبت اخري واتخانقت معاه خناقة كبيرة قوي بس المرة دي لما حاول يضربني انا وقفت قصاده ودافعت عن نفسي وزقيته جوه الاوضة دي وانا بزقه شوفت عين حمرا وحسيتها منورة انا خوفت عليا وعلى ولادي لميت هدومي وسبتله البيت و من يومها معرفش عنه حاجة لحد ما جالي خبر موته

مامون : طبعا انا اسف لحضرتك على اللي مريتي بيه بس في حاجة اخيرة لازم تشوفي الجثة وتاكدي انها جثته

سهير : مفيش مانع

مامون : انا عموما هجيب اذن من النيابة و هروح مع حضرتك

الصراحة انا مكنتش رايح معاها لان لازم اروح انا ممكن ابعت معاها اي امين شرطة بس انا كنت رايح اشوف منه بصراحة انا معجب بيها وعارف انها بتبادلني نفس الشعور بس محدش فينا بيقول للتاني حاجة وصلنا لمشرحة الطب الشرعي

منه : اهلا سيادة الرائد اخبارك ايه

بقلم حسن الامير العريني

مامون : الحمد لله يا دكتور انتي عاملة ايه

منه : الحمد لله

مامون : معايا مدام سهير زوجة المجني عليه وجاية تتعرف على الجثة وده اذن النيابة

منه : وحضرتك جاي بنفسك كان ممكن تبعت اي حد

مامون : لا ما هو انا جاي اشوف حضرتك

منه وشها احمر و بصت في الارض

مامون : اقصد يعني اشوف حضرتك وصلتي لايه

منه : والله هو الموضوع محير شوية الاول نخلي المدام تتعرف على الجثة وبعدين اقولك

ودخلنا المشرحة و منه سحبت الدرج اللي فيه الجثة و اول ما سهير شافتها صرخت و اغمى عليها شيلتها و قعدتها على كرسي ومنه قاستلها النبض لاقيته سليم فواضح انها من شكل الجثة بس . جبنا ازازة برفان وشممناها وفاقت

مامون : اهدي يا مدام سهير

سهير : هو عامل كده ليه مبرق كده ليه شكله مخيف مخيف

مامون : طبعا انا اسف على المنظر بس كده الجثة دي اكيد لجوز حضرتك استاذ خيري

سهير : ايوه هو حسبي الله ونعم الوكيل

مامون : بعد اذنك يا دكتورة اكتبي عندك في تقرير النيابة ان ارملة المجني عليه جت واتعرفت على الجثة واكدت انه جوزها , اما حضرتك يا استاذة سهير ممكن تتفضلي بس اكيد النيابة هتطلب حضرتك فلو ينفع تفضلي في القاهرة كام يوم

سهير : اكيد مفيش مشكلة انا هقعد عند جماعة قرايبي

مامون : طيب ده الكارت بتاعي وعليه رقم تليفوني وياريت لو حضرتك تكتبيلي العنوان ورقم تليفون اقدر اوصلك عليه

كتبت سهير رقمها والعنوان اللي هتقعد فيه مع منه و خرجت من المشرحة

مامون : قوليلي بقى يا دكتور ايه المحير اللي في الموضوع

منه : انا بنسبة كبيرة تايهة الشخص ده مات بسكتة دماغية و زي ما قولت اول مرة ان الخدوش حصلت بعد الوفاة بفترة الغريب ان الخدوش والخرابيش دي مش مطابقة لاي حيوان معروف الكائن اللي عمل كده مش قادرة احدده يعني اكبر قبضة بمخالب موجودة هي قبضة الاسد البربري وده حيوان مفترس نادر جدا ومش موجود الا في اماكن قليلة قوي ومكانه الطبيعي هو دول وسط افريقيا يعني مش في مصر خالص وبرضو قبضته ومخالبه بالنسبة للخدوش دي صغيرة يعني اللي هاجمه حاجة اكبر من كده بكتير جاهز بقى تسمع الاغرب من كده

مامون : هو في اغرب من كده

منه : انا ملقتش ولا القلب و لا اللسان ولا الكبد

مامون : يعني ايه سرقة اعضاء

منه : لسه الغرابة مخلصتش مفيش اي جروح في الجسم يعني محدش فتح وخد الاعضاء دي

مامون : نعم يعني خدوها ازاي من الجثة

منه : لحد دلوقت مش عارفة ومش لاقيه تفسير

مامون : وحضرتك كتبتي الكلام ده في التقرير

منه : لا طبعا انا طلبت اخصائي جراحة عامة واخصائي جراحة تجميل عشان يشوفوا الجثة ويحددوا حصل عمليه جراحية للمجني عليه ولا لا

تليفوني رن كان النقيب محمد قولت في نفسي يووووووووووه هو ده وقتك هادم الملذات محمد ده

مامون : الو ايوه يا سيادة النقيب

محمد : باشا حضرتك فين في مشكلة

مامون : خير ما تقول

بقلم حسن الامير العريني

محمد : جيران الراجل اللي اسمه خيري ده عملوا بلاغ انهم سمعوا حركة في شقته و بعت اتنين امناء يشوفوا في ايه ولما فتحوا الشقة و دخلوا باب الشقة اتقفل عليهم و مخرجوش لحد دلوقت والجيران اتصلت وبلغت تاني وانا رايح على هناك

مامون : يعني باب الشقة اتقفل عليهم اكسروه روح يا محمد وانا جايلك على هناك

منه : خير يا مامون اقصد يا سياردة الرائد في حاجة ولا ايه

مامون : معلش انا لازم استاذن دلوقت وهبقى اكلمك

خرجت من عند منه زي المجنون ركبت العربية و طيرت على البيت ولما وصلت مكنش محمد لسه وصل طلعت جري لاقيت الناس ملمومة على باب الشقة

مامون : محدش كسر الباب ده ليه

واحد من الجيران رد : يا فندم احنا حاولنا بس باب الشقة زي ما يكون مقفول بمليون ترباس

حاولت فعلا اخبط الباب بكتفي بس متفتحش رغم اني متاكد ان باب الشقة اصلا كان مكسور لما لاقينا الجثة ازاي يتقفل كده ووصل محمد و فضلت انا وهو نخبط في الباب وطلبنا قوة اقتحام من القسم وفعلا كسروا الباب بالمعدات اللي معاهم والشقة كان كلها دخان لا ده مش دخان ده ضباب الوضع غريب

مامون : يا امين سعيد يا امين ممدوح

محمد : يعني الاتنين ملهمش صوت

مامون : ادخل انت الاوضة دي وانا هدخل الاوضة التانية

دخلت الاوضة واضح انها اللي كانت بتتكلم عليها مراته رسمة النجمة على الارض والكلام الغريب مكتوب على الحيطان و انا ماشي رجلي خبطت في حاجة لاقيت سعيد و جنبه ممدوح و جثثهم معمول فيها نفس اللي كان في جثة خيري

مامون : يا محمد تعالى هنا وشوفلي نور الاوضة دي فين

دخل محمد وفتح النور و فعلا هو زي جثة خيري الاتنين في الارض جنب بعض بالظبط وشهم مسود بوقهم مفتوح على الاخر وعينيهم مبرقة وجسمهم متقطع وبرضو مفيش دم على الارض ولا على هدومهم كده في حاجة غريبة بتحصل

مامون : محمد كلم النيابة تيجي تعاين وياريت لو تتطلب كريم هارون و كلم الطب الشرعي وبرضو اطلب الدكتورة منه

بقلم حسن الامير العريني

محمد : تمام يا فندم

ابتديت اتمشى في الاوضة الحاجات اللي على الحيطة دي غريبة قوي ركزت شوية في رسومات موجودة في ركنة من الاركان معرفش انا كنت بتخيل ولا ايه بس الرسمة ابتدت تتشكل وتبقى عامله زي العين غمضت عيني وهزيت دماغي ولما فتحتها تاني لاقيت الرسمة زي ما هي في حاجة تانية غريبة في الاوضة دي الجزء اللي قدامي ده مضلم و تحس ان النور مش واصله رغم ان اللمبة اللي في الاوضة عالية جدا روحت ناحية الجزء المضلم ده وانا ماشي بالراحة و حسيت ان شايف فيه عين حمرا و كانها منورة وتحسها بتضحك ابتديت ااقرب

محمد : تمام يا فندم انا كلمتهم كلهم زي ما حضرتك قولت وفي خلال دقايق هيكونوا هنا

لما محمد قال الكلام ده انا اتفزعت وبصتله جامد بعدين رجعت عيني بس لاقيت المكان كله منور مفيش ضلمة ومفيش عين خرجت من الاوضة وانا بقول لنفسي انا بهلوس ولا ايه شكلي محتاج ارتاح واضح ان قلة النوم ابتدت تاثر عليا

وصل كريم ومنه وراه على طول

كريم : في ايه تاني يا سيادة الرائد

مامون : جت اخبارية ان الجيران سمعوا صوت وحركة في الشقة النقيب محمد بعت اتنين امناء بعد شوية جت اخبارية تانية ان الامناء لما دخلوا الشقة الباب اتقفل عليهم و جيت انا و محمد وحاولنا ندخل بس الباب كان مقفول جامد مع العلم ان باب الشقة اصلا مكسور من ساعة ما لقينا المجني عليه الاولاني وفي الاخر طلبنا قوة اقتحام من القسم واللي كسرت الباب زي ما حضرتك شايف وكانت المفاجاة ان الاتنين الامناء جوا بس جثث وبنفس وضع جثة المجني عليه الاول

كريم : بتقول ايه يا باشا يعني احنا دلوقت معانا تلت جرايم قتل

مامون : والله يا باشا انا بقول احنا قدام مجرم متسلسل

كريم : يا باشا الكلام ده في الافلام والامريكية كمان مش المصرية

منه : انا ممكن اشوف الجثث

مامون : اه طبعا اتفضلي يا دكتورة , محمد ادخل مع الدكتورة

ودخلت منه و محمد الاوضة وفضلت انا وكريم

كريم : يا مامون الكلام ده مش منطقي يعني باب الشقة اتقفل وهو مكسور ويعني ايه نفس طريقة القتل

مامون : انا بقولك اللي حصل ومعنديش تفسير ليه زي زيك بالظبط

منه و محمد خرجوا من الاوضة

منه : فعلا نفس الوضع بالظبط حتى اماكن الخدوش واحدة

كريم : صحيح يا دكتور فين التقرير

منه : والله يا كريم يا باشا انا طالبة اتنين دكاترة والمفروض انهم جايين انهاردة عشان يشفوا الجثة وبعدها اطلع لحضرتك التقرير عشان انت عارف انا مش بحب اعمل حاجة ويبقى عليها اي تعليق

كريم : ياه هو الموضوع صعب قوي كده

منه : لما جثة ملقيش فيها القلب والكبد واللسان وميبقاش فيها اي اثر لعملية جراحية او قطع يبقى اكيد الموضوع صعب

كريم : نعم بتقولي ايه , ازاي ده

منه : هو ده اللي بحاول اوصله

واحنا واقفين بنتكلم عيني راحت ناحية الاوضة المفروض انها منورة بس انا شايفها ضلمة وفي خيال جواها رايح جاي

مامون : يا محمد انت مش نورت الاوضة دي

محمد : ايوه يا فندم نورتها و هي لسه منورة

ببص على الاوضة تاني لاقيتها منورة

مامون : محمد كمل انت مع سيادة الوكيل ومع الدكتورة انا هروح على القسم وخلص وحصلني

سبتهم ونزلت وقبل ما اركب العربية لاقيت منه ورايا

منه : خير يا سيادة الرائد مالك شكلك مش مظبوط

مامون : انا فعلا حاسس اني مش مظبوط هروح البيت اخد دوش واريح شوية وبعدين هبقى ارجعلهم القسم

بقلم حسن الامير العريني

منه : ايوه يعني حاسس بايه

مامون : مفيش هو اكيد بس شوية ارهاق ما انتي عارفة شغلنا مفهوش راحة كمان تلات جرايم قتل ورا بعض ومنهم اتنين من رجالتي حاجة كده زي ما تكون خبطة في النفوخ

منه : طيب تحب اوصل حضرتك

مامون : شكرا يا دكتورة انا هقدر اسوق كمان خليكي انتي عشان الجثث اللي معاكي دي

منه : طيب ياريت لما توصل البيت تطمني

مامون : باذن الله

ركبت عربيتي وطلعت على البيت وانا في الطريق برفع وشي في المرايا شوفت العين بس شوفت بقية الوش والجسم دوست على الفرامل مرة واحدة منظر بشع وش كله شعر وعامل زي الخفاش والعين حمرا دم والجسم كله شعر كانه جسم حيوان بس قاعد.

مع وقفتي دي اتخبطت في الدريكسيون والحمد لله مكنش ورايا حد بس لما اتعدلت ملقتش حاجة لافيت ابص ورايا مفيش حاجة فعلا

مامون لنفسه : لا ده انت حالتك صعبة قوي

وبعدين افتكرت كلام سهير عن السحر والجن والحاجات اللي جوزها كان بيعملها معقول الكلام ده يكون ليه علاقة ايه يا مامون اللي انت بتقوله ده سحر ايه ودجل ايه انت راجل قانون الكلام ده ملوش علاقة بالادلة والحقايق يعني هروح اقبض على جن واقول للقاضي هو ده القاتل ضحكت كده باستهزاء من كلامي ودورت العربية و طلعت على البيت اخدت دوش و فردت جسمي على السرير ونمت .

صحيت على الموبايل بيرن دي منه

منه : انت فين

مامون : معلش يا دكتور انا اول ما وصلت نمت على طول متصلتش بيكي زي ما اتفقنا

منه : انتي خلتني قلقانة جدا وخصوصا اني قعدت اتصل والفون بيرن لحد ما يخلص وانت مش بترد

مامون : قلقانة

منه : ا ا ا اه مش احنا بنشتغل سوا طبيعي يعني لما اشوفك ماشي تعبان و مرهق بالشكل ده لازم اقلق عموما انا كنت عايزاك عشان الشغل الجثتين بتوع الامناء عندهم نفس القصة و نفس الاعضاء اللي ناقصة و الدكاترة اللي كنت طلباهم جم وقالوا ان مفيش اي اثر لجراحة بالرغم ان الطريقة اللي اتشالت بيها الاعضاء دي من مكانها بتاعت شخص لايفقه شيء عن الطب متقطعين تماما و متهتكين تماما

انا بسمع الكلام ومركزتش في نصه انا ركزت في اللي قدامي هو الكائن ده بنفس الشكل اللي شوفته في العربية ونفس الابتسامة المرعبة

بقلم حسن الامير العريني

منه : يا مامون يا سيادة الرائد الو انت روحت فين نمت تاني ولا في ايه يا مامون

اختفى ايوه اختفى فجاة زي ما ظهر فجاة هو ايه ده قولتها بصوت عالي

منه : هو ايه

مامون : معلش يا منه اديني دقايق وهكلمك تاني

قفلت الفون من قبل حتى ما ترد عليا و قومت الف في الشقة زي المجنون مفيش اي حاجة ببص في الساعة لاقيتها 10 بليل يااااااااااه انا نمت كل ده لبست بسرعة ونزلت على القسم ولما وصلت هناك اتصلت بمنه

مامون : الو منه معلش انا اسف والله على اللي حصل

منه : لا مفيش حاجة يا فندم انا عموما كتبت التقرير و بكرة هيكون قدام النيابة

مامون : انتي زعلتي ولا ايه ما بقولك انا اسف

منه : لا طبعا هزعل ليه انا بس كنت ببلغ حضرتك عن اللي لاقيته و كمان من الذوق اني كنت اطمن على حضرتك عشان كنت ماشي مرهق بس مش اكتر واطمنت و بلغتك باللي حصل

مامون : بقولك يا منه انا بجد بتحصل معايا حاجات مش فاهمها والصراحة خايف اتكلم يتقال عليا مجنون وكمان لو اتكلمت بعيدا عن مجنون الكلام ده المفروض ميطلع....

وقبل ما اكمل الكلام سمعت منه بتصرخ و صوت خبط ورزع

مامون : في ايه يا منه الو يا منه ردي عليا حصل ايه

بس مفيش رد طيب هي فين في بيتها ولا في المشرحة وانا خارج من القسم دخلت على محمد

مامون : محمد اعرفلي عنوان دكنورة منه بتاعت الطب الشرعي وابعتهولي فورا

وطلعت من القسم على المشرحة ولما وصلت هناك بلغوني انها مشيت من بدري سالتهم على عنوانها محدش يعرفه لاقيت محمد بيتصل بيا

مامون : جبت العنوان يا محمد

محمد : تمام يا باشا في حدائق الاهرام

مامون : ابعتهولي لوكيشن يا محمد

ووصلت عند البيت وطلعت جري لاقيت باب شقتها مفتوح سحبت مسدسي ودخلت لافيت الشقة كلها ملقتش حاجة نزلت اجري على الشارع

منه : انا هنا يا مامون

الصوت طالع من الزرع اللي في جنينة العمارة دخلت لاقيتها قاعدة وسانده ضهرها على شجرة اول ما شافتني قامت جري وجت عليا

منه : مرعب.... شكله بشع..... ومش عايزنا نكمل..... و هيموتني وهيموتك

مامون : اهدي بس في ايه

منه : انا خايفه قوي

مامون : متخافيش انا معاكي مفيش حاجة هتحصل

منه : لا في و هيحصل كتير هو قال انك لازم تبعد ولو مبعدتش هتموت

مامون : هو مين ده

منه : بيقول ان اسمه قزح و بيقول انه من اقوى واعظم الشياطين وان اللي احنا بنعمله هيفتح ابواب احنا مش قدها

مامون : شيطان ايه بس يا منه

منه : انت مش هتصدقني هو قالي انه طلعلك وانك عارف بوجوده و اكتر من مرة اداك اشارة عشان يحذرك

مامون : طلعلي يييعني ااييه طلعلي

منه : مامون وانا بكلمك قولتلي في حاجة لو قولتها هيتقال انك مجنون والحاجة دي انك شوفته صح كله شعر و جسمه زي الحيوانات

مامون : يا منه انتي دكتورة وانا ظابط الكلام ده مينفعش يطلع مننا

منه : بس الكلام ده حصل والكائن ولا الشيطان ده موجود وظهرلي و ظهرلك مستحيل تبقى صدفة .

كمان حكاية الاعضاء اللي مش موجودة و من غير جراحة دي متحصلش الا من حاجة خارقة للطبيعة

مامون : هنفترض اني هصدق التخاريف دي المطلوب مني ايه

منه : سيبك من الموضوع ده و انا قدمت التقرير والنيابة تعمل اللي هي عايزاه بقى

مامون : يعني ايه سيبني من الموضوع ده اتنين من رجالتي ماتوا لازم اعرف ايه اللي حصلهم على الاقل عشان اهاليهم

منه : برضو يا مامون , بقولك هيقتلك

مامون : وايه يعني انتي ناسية انا بشتغل ايه هي دي وظيفتي كل يوم بخروج من البيت وروحي على كفي وببقى عارف يا هرجع يا مرجعش والحمد لله انا لوحدي مليش حد هيزعل ولا هيدور عليا

منه : ما هو ده اللي مخليني مش بتكلم خايفة اكلمك واعلق نفسي بيك وفي الاخر الاقي مكالمة بيتقال فيها البقاء لله بس انك في الدنيا لوحدك ومحدش هيدور عليك فلا في ناس انت تهمهم ويهمهم امرك و بيدوروا عليك

مامون : انتي بتقولي ايه

منه : يعني انت مش فاهم ولا عارف ده انت حتى ظابط مباحث اسمع يا مامون انا بقولك اهو سيبك من الموضوع ده خالص بجد كفاية اني بشوفك من بعيد لبعيد كمان دي عايزها تروح مني

بقلم حسن الامير العريني

مامون : انا اسف يا منه اللي بتطلبيه مش هو اللي انا اتعلمته ولا هو القسم اللي اقسمته انا لازم اعرف اللي حصل للناس دي ولازم زي ما انتي قدمتي تقريرك لازم انا كمان اقدم تقريري

وسبت منه ومشيت وانا عارف ان اي حاجة كان ممكن تحصل بينا انا نهيتها كده و يمكن وانا بنهيها كتبت النهاية لحياتي انا مش عارف انا داخل على ايه ولا ايه حكاية اللي بيظهرلي ده ولا هو شيطان ولا عفريت ولا ايه بالظبط كل ده بفكر فيه وانا سايق عربيتي وراجع على القسم وفجاة ظهر قدام العربية حاجة لفيت يمين لاقيت العربية اتقلبت بيا اكتر من مرة وشوفته واقف قدامي قبل ما اغيب عن الوعي ولما فوقت كنت في مستشفى واول حاجة شوفتها منه قاعدة وحاطة وشها بين ايديها

مامون : انا فين وجيت هنا ازاي

منه : انت فوقت , يا دكتور يا دكتور

خرجت منه جري من الاوضة وشوية ورجعت ومعاها دكتور

الدكتور : ايه يا بطل اخبارك ايه

مامون : انا كويس بس حاسس ان جسمي مكسر و رجلي الشمال مش حاسس بيها

بحط ايدي عند رجلي ملقتهاش مكانها فاضي اتفزعت رفعت وشي وشوفت اكتر حاجة ممكن تدمر انسان رجلي مقطوعة

منه : الحمد لله انها وصلت لكده لولا اني خوفت عليك وطلعت وراك بالعربية مكنش حد هياخد باله من اللي حصل ولا هيشوف عربيتك الا لما النهار يطلع وكان هيبقى الوقت فات

الدكتور : فعلا لولا دكتورة منه جابت حضرتك وعملتلك الاسعافات الضرورية في مكان الحادثة مكناش هنلحقك الفضل لوجودك بينا دلوقت يرجع ليها بعد ربنا

انا بسمع الكلام وانا مش مصدق كده خلاص كل احلامي و طموحاتي اللي كنت بحلم اني اعملها في شغلي راحت انا كده بقيت قعيد مليش لازمة مش هقدر اتحرك ولا امشي الدنيا كلها اسودت في عيني و نزلت من عيني دمعة هي واحدة ما انا مش متعود اعيط

منه : مامون متعملش كده انت هتبقى كويس و محدش عارف الخير فين

مامون : الحمد لله انا بقالي قد ايه هنا

منه : انت في غيبوبة من ست شهور

مامون : ايه ست شهور ياااااااه كل ده

منه : مش مهم اللي فات فات المهم انك فوقت ومعايا

مامون : معاكي ايه بقى خلاص يا منه انا مش هيبقى ليا لازمة

منه : بالعكس انت كل حاجة ليها لازمة في حياتي

مكناش واخدين بالنا ان الدكتور لسه واقف

الدكتور : يا مامون باشا حالات كتير زي حضرتك قدرت تقف تاني على رجليها و تمارس حياتها عادي طب الاطراف الصناعية اتقدم جدا ومع التمرين والمتابعة كل حاجة هترجع زي الاول وكمان طالما الواحد معاه ناس بتحبه و مخلصة ليه زيك اكيد حياته هتبقى احلى

خرج الدكتور وهو بيغمزلي وبيشاور بدماغه على منه

مامون : انا مش عارف اشكرك ازاي

منه : تقوم و تبقى كويس وترجع لحياتك وقتها ده هيبقى احسن شكر

و عدت تلات شهور تاني كنت انا ومنه قربنا من بعض جدا وركبت الطرف الصناعي لرجلي وابتديت اتمرن بيه واتعودت عليها لدرجة اني مبقتش احس ان رجلي مقطوعة وفي يوم معرفش ايه اللي رجع الموضوع في دماغي

مامون : بقولك يا منه هي القضية اللي كان حصلي الحادثة في وقتها حصل فيها ايه

منه : ما خلاص بقى القضية دي هي السبب في كل ده

مامون : انا بس عايز اعرف

منه : اتسجلت ضد مجهول لان فعلا محدش عارف ايه اللي عمل كده

مامون : كنت متوقع كده واهالي الامناء عملوا ايه

منه : هيعملوا ايه يعني طبعا في بيوت خربت بس دي حكمة ربنا

مامون : انا عايز اروحلهم

بقلم حسن الامير العريني

منه : يا حبيبي طيب استنى تطمن على نفسك الاول

مامون : بالرغم ان كلمة يا حبيبي دي تسحر وتخلي الواحد ميتكلمش بس معلش انا عايز اروح المشوار ده

وفعلا منه خدتني وروحت لاهالي الامناء واطمنت عليهم وسبتلهم اللي في النصيب وانا خارج من عند بيت ممدوح مسكني ابنه الصغير ولد عنده خمس سنين

مامون : ايه يا حبيبي عايز حاجة

الولد : متروحش عند شقة خيري تاني يا عمو اصل لو حد راح هو هيموته

انا معرفش الولد ده عرف منين اني هروح شقة خيري بس بعد الكلمتين دول انا قررت اني لازم اروح بس مش لوحدي ولما نزلنا وركبنا العربية

منه : كان بيقولك ايه ابن الامين ممدوح الله يرحمه

مامون : مفيش بيهزر معايا عيل صغير بقى و مش فاهم حاجة

منه : رغم اني مش مصدقاك بس هعديها

اتصلت بالنقيب محمد

مامون : العالم الاندال اللي مبتسالش ولا حتى تتطمن على الواحد

محمد : مامون باشا طيب حد غيرك يقول الكلام ده انت اكتر واحد عارف احنا بنبقى عاملين ازاي

مامون : بس برضو يا اخي دي مش عشرة يوم ولا اتنين

محمد : يا باشا والله بطمن عليك من دكتور منه بس مش عايز اتقل عليك الا صحيح مفيش حاجة تفرحنا قريب كان باين عليكوا بس مكنتش بحب ادخل في اللي مليش فيه بس كنت عارف ان اخرتها جواز

مامون : هو انا كنت مكشوف قوي كده

محمد : مش انت بس يا باشا انتوا الاتنين المهم طمني مش هنفرح قريب

مامون : ان شاء الله قريب واكيد لو في حاجة انت من اول الناس اللي هتعرف , بقولك ايه عايزة اسالك على حاجة

محمد : امرني

مامون : هي الشقة اللي حصلت فيها جرايم القتل بتاعت الراجل ده اللي اسمه خيري و الامين سعيد والامين ممدوح اخبارها ايه في حد سكن فيها ولا الورثة استلموها ولا حصل فيها ايه بالظبط

محمد : زي ما هي يا باشا ده كمان سكان البيت كلهم سابوه وبقى البيت مهجور تماما

مامون : ليه كده

محمد : الناس بتقول بقت تسمع اصوات وحاجات مخيفة بتحصل في الشقة ومبقوش طايقين يقعدوا وكل واحد شاف سكن تاني وسابوا البيت ده

مامون : للدرجة دي

محمد : والله يا باشا لولا خايف تقول عليا متخلف كنت قولتلك الشقة مسكونة

مامون : والله كل حاجة بقت جايز دلوقت يا محمد

محمد : بس ايه اللي فكر معاليك بيها

مامون : ما انت عارف دي اخر قضية كنت ماسكها قبل ما خروج وكنت عايز اعرف وصلتوا لايه فيها عموما شكرا

بشوية علاقات و معارف قدرت اوصل لواحد بيقولوا انه بيعالج من المس والجن طبعا دلوقت بتقولوا عليا بخرف بس اللي انا شوفته واللي حصلي خلاني اصدق ان في كده الراجل ده اسمه ماجد روحتله

مامون : ازي حضرتك

ماجد : اهلابيك اللي موصي عليك واحد حبيبي قوي ومقدرش ارفضله طلب بس لما سالته انت عايزني ليه قال انه ميعرفش وانك مقولتش فيا ترى خير

حكتله على كل حاجة وقولتله اني عايز اروح المكان ده واني لازم اعرف اللي حصل للناس دي

ماجد : قولتلي اسمه ايه الكائن ده

مامون : منه قالتلي اسمه قزح

ماجد : يا ساتر وده ايه اللي جابه مع البني ادمين ده شر مطلق في عالم الجن حد يحضره في عالم الانس

مامون : يعني فعلا الاسم ده موجود

ماجد : ده شيطان من الشياطين الرئيسية و مؤذي لاقصى الحدود اللي ممكن تتخليها

بصيت على رجلي المقطوعة ورفعت البنطلون فبانت

مامون : انا عارف وفاهمك كويس

بقلم حسن الامير العريني

ماجد : لا انت تحمد ربنا لحد كده الشيطان ده لو ظهر لحد بيفضل يظهرله باشكال مرعبة وبيفضل يصرخ في وشه لحد ما الانسي اللي قدامه قلبه بيقف من كتر الخوف وبيموت واول ما الانسي بيموت بيبتدي قطع فيه بمخالبه اللي زي مخالب الاسد وبعد كده بيدخل جوه جسمه وبيسرق قلبه وكبده ولسانه لان هو ده الاكل المفضل ليه يعني اللي حصلك ده هو اقل حاجة حصلت لحد قابل الشيطان ده

مامون : يعني لو انا عايز اروح المكان ده حضرتك مش هتردى تيجي معايا

ماجد : تروح فين يابني حد يروح للموت برجليه

مامون : انا هروح في كل الاحوال بيني وبين الكائن ده تار وانا متعودتش اسيب تاري

ماجد : يابني اسمعني الشيطان ده قادر و مفتري ومتوحش وفيه كل الصفات السيئة ويمكن الاسوء في عالم الجن والشياطين

مامون : افهم من كده انك خايف تيجي معايا

ماجد : يا حضرة الظابط مش هينفع تلعب معايا اللعبة دي كل ما في الموضوع رحم الله امرء عرف قدر نفسه بس اقولك لو انت مصمم على المرواح هبعتك لاستاذي واللي علمني كل حاجة الشيخ وفائي ده راجل عنده من العلم الكتير وهقولك نصيحة لو الشيخ وفائي قالك متروحش يبقى احسنلك متروحش

وفعلا وصلني ماجد ده بالشيخ وفائي ولما عرضت عليه الموضوع

الشيخ وفائي : يابني الشياطين والجن ده عالم طول ما انت بعيد عنه فانت متقي شرهم وطول ما انت ذاكر لربك فهما بعيد عنك لكن تروحلهم برجلك انت كده بتاذي نفسك

مامون : اسمعني يا شيخ انا هروح يعني هروح سواء حضرتك جيت معايا او لا الشيطان ده خرب بيوت واذاني اذية مش هقدر انساها ولو اتكتبلي اعيش عشان مروحتش هحس طول عمري اني قصرت في حق نفسي قبل ما اكون قصرت في حق الناس دي

الشيخ وفائي : يعني مصمم

مامون : الى اقصى درجة

الشيخ وفائي : يبقى توكلنا على الله شوف هتروح امتى وانا معاك انا يا بني مقدرش اشوف حد محتاج مساعدة ومكنش معاه

تاني يوم كلمت منه و اطمنت عليها و قولتلها اني بحبها جدا واني نفسي اكمل الباقي من عمري معاها وفي اخر المكالمة قولتلها عندي حاجة هخلصها وبعدها هروح اطلب ايديها من خالها وده لانابوها متوفي وملهاش حد غير خالها ده

قابلت الشيخ وفائي وروحنا على البيت شكله من بره موحش كل شبابيكه مفتوحه بصيت على شباك الشقة بتاعت خيري شوفت خيال حد واقف وشوفت عينيه الحمرا حسيت انه كان عارف اني جاي ووقفته دي كانه واقف مستنيني واختفى من الشباك وقفت قدام الباب والشيخ جنبي

الشيخ وفائي : بسم الله الرحمن الرحيم وبه نستعين توكلنا على الحي القيوم توكلنا على رب السموات والارض عز في علاه ولا يعبد سواه وحط رجله جوه البيت سمعت صرخه هزت كياني من جوه بصيت للشيخ

الشيخ وفائي : يا بني احنا لسه فيها لو عايز ترجع قولي نرجع دلوقت لكن لو دخلنا جوه مفيش رجوع الا في حالة واحدة اننا نقضي عليه او هو يقضي علينا ووقتها مش هتعرف حتى تندم

مامون : توكل على الله يا شيخنا

الشيخ وفائي : يبقى توكلنا على الله

دخلت انا و الشيخ وفائي و طلعنا الدور بتاع خيري باب الشقة مكسر زي ما سبته اخر مرة يااااااااه كانه امبارح دخلت الشقة وقدامي الشيخ وفائي وشوفته واقف قدامي

قزح : انت جاي برجلك ولا صحيح هي فين رجلك

وضحك ضحكة حسيت ان ودني اتخرمت من قوتها

الشيخ وفائي : انت في مكان مش مكانك ارجع للعالم بتاعك و ابعد الناس عن شرورك

قزح : انا كنت في العالم بتاعي والانسي اللي اسمه خيري هو اللي استدعاني عايز ينجح ويكبر في شغله بيستدعيني انا قزح اقوى شيطان في العالم السفلي عشان يترقى في شغله بس كان صيد سهل قدرت اخليه يبقى تابع ليا كان بيترقى بس عارف ازاي كان بيسلمني جثث رؤسائه و كنت باخد منها اكلتي المفضلة قلوبهم وكبدهم والسنتهم وطبعا كان اللي يمشي يترقى هو مكانه لحد ما في يوم جه وقالي انا خلاص مش عايز فاكر ان الموضوع بمزاجه فكان هو الوجبة التانية بتاعتي

بقلم حسن الامير العريني

مامون : طيب وسعيد و ممدوح عملولك ايه

قزح بصلي بصة فيها غل وغضب : لما خيري مات انا خدت الشقة دي مقر ليا و قعدت فيها وفي يوم

فجاة الشقة بتتغير لاقيت نفسي واقف انا والشيخ دخل من الباب سعيد ووراه ممدوح شاور سعيد للممدوح بلغت الاشارة بتاعتنا انه يدخل اوضة و هو هيدخل اوضة تانية وفجاة باب الشقة اتقفل رجع سعيد بيجري بيحاول يفتح الباب بس خلاص مفيش فايدة الباب كانه مقفول بمليون ترباس جت صرخة من الاوضة اللي فيها ممدوح دخل سعيد يجري عليه ودخلت انا وراه ممدوح نايم على الارض ومفتح عينيه وبوقه على الاخر وقاعد فوقه قزح وبيمد ايده جواه وسحب قلبه وبياكله وحط ايده جوه بوقه وسحب لسانه سعيد بيحاول يضرب نار قزح شاور بايده المسدس طار ولاقيت سعيد بيتشد جوه الاوضة وبابها بيتقفل عليه سعيد بيحاول يفتح في الباب وقزح بياكل في كبد ممدوح خلص قزح وقام راح ناحية سعيد مسكه وبص في وشه الشكل البشع بقى ابشع طلعتله انياب و قرون وباتدي يعمل اشكل بوشه مميتة مش مخيفة بس ولاقيت سعيد سكت وعينيه اتفتحت على الاخر وبوقه كمان ولاقيت قزح حطه جنب ممدوح وقعد برضو ياكل في قلبه ولسانه و كبده وبعدين انا جيت شايف نفسي داخل الاوضة ووقفت فوق الاتنين وشوفت قزح واقف في الحتة الضلمة وبيبصلي

مامون : يعني انت فعلا كنت واقف

قزح : انا كنت ناوي اخدك انت الوجبة التالتة بس كنت كل ما اقربلك تحصل حاجة تمنعني عنك حتى لما ظهرتلك في الطريق والعربية اتقلبت بيك جت حبيبتك ولحقتك و قعدت تقول كلام خلاني مقدرتش المسك وانا سيبتك كنت شبعان وفضلت ورا اللي في البيت لحد ما كله مشي وخلاص هنا بقى مقري كل كام يوم بيجي واحد من اللي ملهمش ملجا بيدخل و ببتدي اتسلى عليه شوية وبعدين يموت وانا اكل وجبتي الجميلة و دلقوت هحلي بيكم

واختفى قزح من قدامي وفجاة ظهر وشه في وشي بنفس الشكل المرعب اللي كان واقف بيه قدام سعيد انا حسيت بضربات قلبي بتزيد و بدق بسرعة جدا وخلاص حسيت ان قلبي هيقف وعيني ابتدت توسع على الاخر ومش قادر اخد نفسي بفتح في بوقي عشان ادخل هوا بس مهما افتح مفيش هوا بيدخل هو ده الاحساس وهو ده اللي بيخليهم بالشكل المرعب ده فجاة سمعته الشيخ وفائي

الشيخ وفائي : اعوذ بالله من الشيطان الرجيم اعوذ بالله من الشيطان الرجيم بسم الله الرحمن الرحيم وَإِذَا قَرَأْتَ الْقُرْآنَ جَعَلْنَا بَيْنَكَ وَبَيْنَ الَّذِينَ لَا يُؤْمِنُونَ بِالْآخِرَةِ حِجَابًا مَسْتُورًا (45) وَجَعَلْنَا عَلَى قُلُوبِهِمْ أَكِنَّةً أَنْ يَفْقَهُوهُ وَفِي آذَانِهِمْ وَقْرًا وَإِذَا ذَكَرْتَ رَبَّكَ فِي الْقُرْآنِ وَحْدَهُ وَلَّوْا عَلَى أَدْبَارِهِمْ نُفُورًا

بسم الله الرحمن الرحيم إِنَّ عِبَادِي لَيْسَ لَكَ عَلَيْهِمْ سُلْطَانٌ ۚ وَكَفَىٰ بِرَبِّكَ وَكِيلً

اعوذ بكلمات الله التامات الطاهرات الطيبات المباركات الزكيات التى لا يجاوزهن بر ولا فاجر من غضبه وشر عباده ومن همزات ونزعات الشياطين .

اعوذ بالله من ازات واستفزازات واستهواءات الشياطين ومن اغواء واضلال وتخييل الشياطين .

اعوذ بالله من ترويع وتفزيع الشياطين ومن صرع وصدود الشياطين ومن خبائث الشياطين ومن وساوس ومس وسلطان الشياطين ومن مكر ومكائد الشياطين واعوذ بك رب ان يحضرون

لاقيت قزح بعد عني وبص على الشيخ وفائي وعينيه كلها غضب والشيخ وفائي عمال يعيد ويزيد في اللي بيقوله والشيطان ده بيبصله بمنتهى الغضب لحد ما لاقيته مسك الشيخ من رقبته ورفعه من على الارض

الشيخ وفائي : بسم الله الرحم الرحيم وَٱلصَّٰٓفَّٰتِ صَفّٗا (1) فَٱلزَّٰجِرَٰتِ زَجۡرٗا (2) فَٱلتَّٰلِيَٰتِ ذِكۡرًا (3) إِنَّ إِلَٰهَكُمۡ لَوَٰحِدٞ (4) رَّبُّ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَا وَرَبُّ ٱلۡمَشَٰرِقِ (5) إِنَّا زَيَّنَّا ٱلسَّمَآءَ ٱلدُّنۡيَا بِزِينَةٍ ٱلۡكَوَاكِبِ (6) وَحِفۡظٗا مِّن كُلِّ شَيۡطَٰنٖ مَّارِدٖ (7) لَّا يَسَّمَّعُونَ إِلَى ٱلۡمَلَإِ ٱلۡأَعۡلَىٰ وَيُقۡذَفُونَ مِن كُلِّ جَانِبٖ (8) دُحُورٗاۖ وَلَهُمۡ عَذَابٞ وَاصِبٌ (9) إِلَّا مَنۡ خَطِفَ ٱلۡخَطۡفَةَ فَأَتۡبَعَهُۥ شِهَابٞ ثَاقِبٞ

بقلم حسن الامير العريني

الشيطان ده رمى الشيخ على الارض و ابتدى يتخبط في الحيطان والشيخ مش مؤقف قراية قران

قزح : انت جنسك ايه مستحيل تكون من ابناء ادم مفيش انسي بيقدر عليا

الشيخ وفائي : القادر و المقتدر هو الله وانت مخلوق من خلق الله امشي من هنا و ارجع للعالم بتاعك ده مش مكانك و لازم تمشي

قزح : انتوا اللي استدعتوني وطلبتوا العون مني

الشيخ وفائي : اللي استدعاك راح للي خلقة ولو مش عايز تحصلة امشي من هنا والا هحرقك

ولسه الشيخ وفائي هيقرا قران تاني

قزح : خلاص انا همشي بس مش هسيبك يا مامون هتلاقيني وراك في كل حتة يمكن انا همشي دلوقت بس اكيد واحد منكم يا بني ادم هيخروج عن طوع ربه وهيطلب مساعدتي ويوم ما هرجع هتكون انت اول وجبة

اختفى قزح و هدي المكان وبقى كله صمت بس الريحة اللي ظهرت كلها ريحة موت وريحة جثث متعفنة خرجت انا و الشيخ وفائي من البيت وبعد ما نزلت اتصلت بمحمد

محمد : باشا اخبارك ايه

مامون : محمد هتجيب قوة دلوقت وعربيات اسعاف وهتطلع بحملة على بيت خيري فاكره عشان هتلاقي هناك حاجات كتير قوي

محمد : حاجات ايه يا مامون هو ايه اللي حصل

مامون : محصلش حاجة وبقولك ايه البلاغ ده جايلك من مجهول فاهمني من مجهول

وفعلا خرجت الحملة وكنت واقف انا والشيخ وفائي بعيد وطلع من البيت 122 جثة زي ما الصحافة قالت منهم اللي مجهول ومنهم اللي كان في بلاغات بانه متغيب اكيد بيوت كتير اتدمرت بسبب اللي حصل ده بس برضو الاهالي دي لاقيت الجثث ودفنتها وانا اتقدمت لمنه واتجوزنا الحمد لله فتحت مكان كده على قدي من المكافاة اللي خدتها لنهاية الخدمة بتاعتي ببيع فيه كتب قانون و شريعة و كتب اسلامية و سنة وسيرة نبوية والقسم الاهم كان قسم الحماية والتحصين من الجن والشياطين وكنت مبسوط جدا وانا بتعب وبشقى عشان المكان ده يكبر ما انا اتعلمت خلاص انك تتدور على الطرق المختصرة و استسهال الامور ممكن يكون سبب هلاكك ياريت نعرف قيمة الشقى والتعب .

تمت بحمد الله

بقلم حسن الامير العريني

قضية ضد مجهول كاملة

بقلم حسن الامير العريني

مامون : الراجل ده شاف رعب فظيع قبل ما يموت .عرفنا حاجة عنه ولا لا

مأمون : وايه بقى عمايله دي

مامون : انت مش قولت مراته مشيت

محمد : تمام يا فندم

كريم : مامون باشا اخبار معاليك

مامون : تمام يا كريم باشا نحمد ربنا اهو مصحيني من النوم الساعة اتنين و نص الفجر على جثة

ايمن : يعني هما صحوك لوحدك عموما فين يا سيدي الجثة

دخلت انا وكريم على الاوضة ورفعت الغطا من على الجثة و طبعا السيد وكيل النيابة مستحملش المنظر

كريم : غطي غطي ايه البشاعة دي مين اللي ممكن يعمل كده في بني ادم

مامون : الصراحة انا زيك برضو مش متخيل ان حد ممكن يعمل في حد كده بس اهو حصل ولازم نتعامل معاه

كريم : ربنا يكون في عون الطب الشرعي متعرفش من اللي جاي منهم

مامون : بنسبة كبيرة هتبقى الدكتورة منه خطاب هي اللي ماسكة القسم عندنا

كريم : كويس انا بثق فيها و بثق في تقاريرها

بقلم حسن الامير العريني

كريم : حمدالله على السلامة يا دكتورة ايه التاخير ده كله

مامون : اتفضلي يا دكتور

منه وشها احمر اول ما شافت مامون

منه : مأمون باشا ازي حضرتك

مامون : اهلا وسهلا يا دكتور انا الحمد لله زي زيك صحوني من النوم و جبوني على جثة

كريم : نجيب شاي بقى و نقعد نشكي همنا لبعض يالا يا دكتور و بعد اذنك انا عايز اقفل المكان بقى

مامون رفع الغطا عن الجثة

كريم : انا هطلع بره مش قادر على المنظر ولا الريحة

و خرج كريم

منه : انا مش عارفه وكيل نيابة ازاي ده

منه : شكرا ليك

مامون : حاجة ايه

منه : مفيش ولا نقطة دم حوالين الجثة الراجل ممتش هنا الراجل ده اتقتل في مكان تاني وجثته اتنقلت هنا

مامون : انا فكرت في كده برضو بس يعني مبحبش احط افتراضات الا بعد ما الطب الشرعي يشوف

منه : وحاجة تانية مش واخد بالك ان هدومة مفهاش دم

مامون : لا دي مركزتش معاها

وسجلت منه اللي حصل طبعا في التقرير الاولي وخرجت من الاوضة

كريم : ها يا دكتور لاقينا ايه

كريم : طيب ياريت يا باشا نوصلها و تكون عندي مع الجيران

مامون : مدام سهير صح كده

سهير : ايوه يا فندم

مامون : طبعا حضرتك عرفتي الخبر

سهير : ايوه عرفته والصراحة كنت عارفة ان اخرته كده

بقلم حسن الامير العريني

مامون : اخرته كده اللي هو ازاي يعني

سهير : هيموت وهو لوحده ومحدش هيسال فيه وريحته هتطلع والناس هي اللي هتبلغ عنه

مامون : انتي معرفتيش ان جوزك اتقتل

سهير : اتقتل !!!! ازاي.. وعرفتوا مين عمل كده

مامون : للاسف لسه معرفناش بس هنوصله . سمعنا ان كان في مشاكل بينك وبين جوزك

سهير : الكلام ده من زمان ورافعة عليه قضية طلاق كمان

مامون : ممكن اعرف سبب المشاكل

مامون : طبعا انا اسف لحضرتك على اللي مريتي بيه بس في حاجة اخيرة لازم تشوفي الجثة وتاكدي انها جثته

سهير : مفيش مانع

مامون : انا عموما هجيب اذن من النيابة و هروح مع حضرتك

منه : اهلا سيادة الرائد اخبارك ايه

بقلم حسن الامير العريني

مامون : الحمد لله يا دكتور انتي عاملة ايه

منه : الحمد لله

مامون : معايا مدام سهير زوجة المجني عليه وجاية تتعرف على الجثة وده اذن النيابة

منه : وحضرتك جاي بنفسك كان ممكن تبعت اي حد

مامون : لا ما هو انا جاي اشوف حضرتك

منه وشها احمر و بصت في الارض

مامون : اقصد يعني اشوف حضرتك وصلتي لايه

منه : والله هو الموضوع محير شوية الاول نخلي المدام تتعرف على الجثة وبعدين اقولك

مامون : اهدي يا مدام سهير

سهير : هو عامل كده ليه مبرق كده ليه شكله مخيف مخيف

مامون : طبعا انا اسف على المنظر بس كده الجثة دي اكيد لجوز حضرتك استاذ خيري

سهير : ايوه هو حسبي الله ونعم الوكيل

سهير : اكيد مفيش مشكلة انا هقعد عند جماعة قرايبي

مامون : طيب ده الكارت بتاعي وعليه رقم تليفوني وياريت لو حضرتك تكتبيلي العنوان ورقم تليفون اقدر اوصلك عليه

كتبت سهير رقمها والعنوان اللي هتقعد فيه مع منه و خرجت من المشرحة

مامون : قوليلي بقى يا دكتور ايه المحير اللي في الموضوع

مامون : هو في اغرب من كده

منه : انا ملقتش ولا القلب و لا اللسان ولا الكبد

مامون : يعني ايه سرقة اعضاء

منه : لسه الغرابة مخلصتش مفيش اي جروح في الجسم يعني محدش فتح وخد الاعضاء دي

مامون : نعم يعني خدوها ازاي من الجثة

منه : لحد دلوقت مش عارفة ومش لاقيه تفسير

مامون : وحضرتك كتبتي الكلام ده في التقرير

تليفوني رن كان النقيب محمد قولت في نفسي يووووووووووه هو ده وقتك هادم الملذات محمد ده

مامون : الو ايوه يا سيادة النقيب

محمد : باشا حضرتك فين في مشكلة

مامون : خير ما تقول

بقلم حسن الامير العريني

مامون : يعني باب الشقة اتقفل عليهم اكسروه روح يا محمد وانا جايلك على هناك

منه : خير يا مامون اقصد يا سياردة الرائد في حاجة ولا ايه

مامون : معلش انا لازم استاذن دلوقت وهبقى اكلمك

مامون : محدش كسر الباب ده ليه

واحد من الجيران رد : يا فندم احنا حاولنا بس باب الشقة زي ما يكون مقفول بمليون ترباس

مامون : يا امين سعيد يا امين ممدوح

محمد : يعني الاتنين ملهمش صوت

مامون : ادخل انت الاوضة دي وانا هدخل الاوضة التانية

مامون : يا محمد تعالى هنا وشوفلي نور الاوضة دي فين

مامون : محمد كلم النيابة تيجي تعاين وياريت لو تتطلب كريم هارون و كلم الطب الشرعي وبرضو اطلب الدكتورة منه

بقلم حسن الامير العريني

محمد : تمام يا فندم

محمد : تمام يا فندم انا كلمتهم كلهم زي ما حضرتك قولت وفي خلال دقايق هيكونوا هنا

وصل كريم ومنه وراه على طول

كريم : في ايه تاني يا سيادة الرائد

كريم : بتقول ايه يا باشا يعني احنا دلوقت معانا تلت جرايم قتل

مامون : والله يا باشا انا بقول احنا قدام مجرم متسلسل

كريم : يا باشا الكلام ده في الافلام والامريكية كمان مش المصرية

منه : انا ممكن اشوف الجثث

مامون : اه طبعا اتفضلي يا دكتورة , محمد ادخل مع الدكتورة

ودخلت منه و محمد الاوضة وفضلت انا وكريم

كريم : يا مامون الكلام ده مش منطقي يعني باب الشقة اتقفل وهو مكسور ويعني ايه نفس طريقة القتل

مامون : انا بقولك اللي حصل ومعنديش تفسير ليه زي زيك بالظبط

منه و محمد خرجوا من الاوضة

منه : فعلا نفس الوضع بالظبط حتى اماكن الخدوش واحدة

كريم : صحيح يا دكتور فين التقرير

كريم : ياه هو الموضوع صعب قوي كده

منه : لما جثة ملقيش فيها القلب والكبد واللسان وميبقاش فيها اي اثر لعملية جراحية او قطع يبقى اكيد الموضوع صعب

كريم : نعم بتقولي ايه , ازاي ده

منه : هو ده اللي بحاول اوصله

واحنا واقفين بنتكلم عيني راحت ناحية الاوضة المفروض انها منورة بس انا شايفها ضلمة وفي خيال جواها رايح جاي

مامون : يا محمد انت مش نورت الاوضة دي

محمد : ايوه يا فندم نورتها و هي لسه منورة

ببص على الاوضة تاني لاقيتها منورة

مامون : محمد كمل انت مع سيادة الوكيل ومع الدكتورة انا هروح على القسم وخلص وحصلني

سبتهم ونزلت وقبل ما اركب العربية لاقيت منه ورايا

منه : خير يا سيادة الرائد مالك شكلك مش مظبوط

مامون : انا فعلا حاسس اني مش مظبوط هروح البيت اخد دوش واريح شوية وبعدين هبقى ارجعلهم القسم

بقلم حسن الامير العريني

منه : ايوه يعني حاسس بايه

منه : طيب تحب اوصل حضرتك

مامون : شكرا يا دكتورة انا هقدر اسوق كمان خليكي انتي عشان الجثث اللي معاكي دي

منه : طيب ياريت لما توصل البيت تطمني

مامون : باذن الله

مامون لنفسه : لا ده انت حالتك صعبة قوي

صحيت على الموبايل بيرن دي منه

منه : انت فين

مامون : معلش يا دكتور انا اول ما وصلت نمت على طول متصلتش بيكي زي ما اتفقنا

منه : انتي خلتني قلقانة جدا وخصوصا اني قعدت اتصل والفون بيرن لحد ما يخلص وانت مش بترد

مامون : قلقانة

بقلم حسن الامير العريني

منه : يا مامون يا سيادة الرائد الو انت روحت فين نمت تاني ولا في ايه يا مامون

اختفى ايوه اختفى فجاة زي ما ظهر فجاة هو ايه ده قولتها بصوت عالي

منه : هو ايه

مامون : معلش يا منه اديني دقايق وهكلمك تاني

مامون : الو منه معلش انا اسف والله على اللي حصل

منه : لا مفيش حاجة يا فندم انا عموما كتبت التقرير و بكرة هيكون قدام النيابة

مامون : انتي زعلتي ولا ايه ما بقولك انا اسف

وقبل ما اكمل الكلام سمعت منه بتصرخ و صوت خبط ورزع

مامون : في ايه يا منه الو يا منه ردي عليا حصل ايه

بس مفيش رد طيب هي فين في بيتها ولا في المشرحة وانا خارج من القسم دخلت على محمد

مامون : محمد اعرفلي عنوان دكنورة منه بتاعت الطب الشرعي وابعتهولي فورا

مامون : جبت العنوان يا محمد

محمد : تمام يا باشا في حدائق الاهرام

مامون : ابعتهولي لوكيشن يا محمد

منه : انا هنا يا مامون

منه : مرعب.... شكله بشع..... ومش عايزنا نكمل..... و هيموتني وهيموتك

مامون : اهدي بس في ايه

منه : انا خايفه قوي

مامون : متخافيش انا معاكي مفيش حاجة هتحصل

منه : لا في و هيحصل كتير هو قال انك لازم تبعد ولو مبعدتش هتموت

مامون : هو مين ده

منه : بيقول ان اسمه قزح و بيقول انه من اقوى واعظم الشياطين وان اللي احنا بنعمله هيفتح ابواب احنا مش قدها

مامون : شيطان ايه بس يا منه

منه : انت مش هتصدقني هو قالي انه طلعلك وانك عارف بوجوده و اكتر من مرة اداك اشارة عشان يحذرك

مامون : طلعلي يييعني ااييه طلعلي

مامون : يا منه انتي دكتورة وانا ظابط الكلام ده مينفعش يطلع مننا

منه : بس الكلام ده حصل والكائن ولا الشيطان ده موجود وظهرلي و ظهرلك مستحيل تبقى صدفة .

كمان حكاية الاعضاء اللي مش موجودة و من غير جراحة دي متحصلش الا من حاجة خارقة للطبيعة

مامون : هنفترض اني هصدق التخاريف دي المطلوب مني ايه

منه : سيبك من الموضوع ده و انا قدمت التقرير والنيابة تعمل اللي هي عايزاه بقى

مامون : يعني ايه سيبني من الموضوع ده اتنين من رجالتي ماتوا لازم اعرف ايه اللي حصلهم على الاقل عشان اهاليهم

منه : برضو يا مامون , بقولك هيقتلك

مامون : انتي بتقولي ايه

بقلم حسن الامير العريني

مامون : انا فين وجيت هنا ازاي

منه : انت فوقت , يا دكتور يا دكتور

خرجت منه جري من الاوضة وشوية ورجعت ومعاها دكتور

الدكتور : ايه يا بطل اخبارك ايه

مامون : انا كويس بس حاسس ان جسمي مكسر و رجلي الشمال مش حاسس بيها

بحط ايدي عند رجلي ملقتهاش مكانها فاضي اتفزعت رفعت وشي وشوفت اكتر حاجة ممكن تدمر انسان رجلي مقطوعة

منه : مامون متعملش كده انت هتبقى كويس و محدش عارف الخير فين

مامون : الحمد لله انا بقالي قد ايه هنا

منه : انت في غيبوبة من ست شهور

مامون : ايه ست شهور ياااااااه كل ده

منه : مش مهم اللي فات فات المهم انك فوقت ومعايا

مامون : معاكي ايه بقى خلاص يا منه انا مش هيبقى ليا لازمة

منه : بالعكس انت كل حاجة ليها لازمة في حياتي

مكناش واخدين بالنا ان الدكتور لسه واقف

خرج الدكتور وهو بيغمزلي وبيشاور بدماغه على منه

مامون : انا مش عارف اشكرك ازاي

منه : تقوم و تبقى كويس وترجع لحياتك وقتها ده هيبقى احسن شكر

مامون : بقولك يا منه هي القضية اللي كان حصلي الحادثة في وقتها حصل فيها ايه

منه : ما خلاص بقى القضية دي هي السبب في كل ده

مامون : انا بس عايز اعرف

منه : اتسجلت ضد مجهول لان فعلا محدش عارف ايه اللي عمل كده

مامون : كنت متوقع كده واهالي الامناء عملوا ايه

منه : هيعملوا ايه يعني طبعا في بيوت خربت بس دي حكمة ربنا

مامون : انا عايز اروحلهم

بقلم حسن الامير العريني

منه : يا حبيبي طيب استنى تطمن على نفسك الاول

مامون : بالرغم ان كلمة يا حبيبي دي تسحر وتخلي الواحد ميتكلمش بس معلش انا عايز اروح المشوار ده

مامون : ايه يا حبيبي عايز حاجة

الولد : متروحش عند شقة خيري تاني يا عمو اصل لو حد راح هو هيموته

منه : كان بيقولك ايه ابن الامين ممدوح الله يرحمه

مامون : مفيش بيهزر معايا عيل صغير بقى و مش فاهم حاجة

منه : رغم اني مش مصدقاك بس هعديها

اتصلت بالنقيب محمد

مامون : العالم الاندال اللي مبتسالش ولا حتى تتطمن على الواحد

محمد : مامون باشا طيب حد غيرك يقول الكلام ده انت اكتر واحد عارف احنا بنبقى عاملين ازاي

مامون : بس برضو يا اخي دي مش عشرة يوم ولا اتنين

مامون : هو انا كنت مكشوف قوي كده

محمد : مش انت بس يا باشا انتوا الاتنين المهم طمني مش هنفرح قريب

مامون : ان شاء الله قريب واكيد لو في حاجة انت من اول الناس اللي هتعرف , بقولك ايه عايزة اسالك على حاجة

محمد : امرني

محمد : زي ما هي يا باشا ده كمان سكان البيت كلهم سابوه وبقى البيت مهجور تماما

مامون : ليه كده

مامون : للدرجة دي

محمد : والله يا باشا لولا خايف تقول عليا متخلف كنت قولتلك الشقة مسكونة

مامون : والله كل حاجة بقت جايز دلوقت يا محمد

محمد : بس ايه اللي فكر معاليك بيها

مامون : ما انت عارف دي اخر قضية كنت ماسكها قبل ما خروج وكنت عايز اعرف وصلتوا لايه فيها عموما شكرا

مامون : ازي حضرتك

حكتله على كل حاجة وقولتله اني عايز اروح المكان ده واني لازم اعرف اللي حصل للناس دي

ماجد : قولتلي اسمه ايه الكائن ده

مامون : منه قالتلي اسمه قزح

ماجد : يا ساتر وده ايه اللي جابه مع البني ادمين ده شر مطلق في عالم الجن حد يحضره في عالم الانس

مامون : يعني فعلا الاسم ده موجود

ماجد : ده شيطان من الشياطين الرئيسية و مؤذي لاقصى الحدود اللي ممكن تتخليها

بصيت على رجلي المقطوعة ورفعت البنطلون فبانت

مامون : انا عارف وفاهمك كويس

بقلم حسن الامير العريني

مامون : يعني لو انا عايز اروح المكان ده حضرتك مش هتردى تيجي معايا

ماجد : تروح فين يابني حد يروح للموت برجليه

مامون : انا هروح في كل الاحوال بيني وبين الكائن ده تار وانا متعودتش اسيب تاري

ماجد : يابني اسمعني الشيطان ده قادر و مفتري ومتوحش وفيه كل الصفات السيئة ويمكن الاسوء في عالم الجن والشياطين

مامون : افهم من كده انك خايف تيجي معايا

وفعلا وصلني ماجد ده بالشيخ وفائي ولما عرضت عليه الموضوع

الشيخ وفائي : يعني مصمم

مامون : الى اقصى درجة

الشيخ وفائي : يبقى توكلنا على الله شوف هتروح امتى وانا معاك انا يا بني مقدرش اشوف حد محتاج مساعدة ومكنش معاه

مامون : توكل على الله يا شيخنا

الشيخ وفائي : يبقى توكلنا على الله

قزح : انت جاي برجلك ولا صحيح هي فين رجلك

وضحك ضحكة حسيت ان ودني اتخرمت من قوتها

الشيخ وفائي : انت في مكان مش مكانك ارجع للعالم بتاعك و ابعد الناس عن شرورك

بقلم حسن الامير العريني

مامون : طيب وسعيد و ممدوح عملولك ايه

قزح بصلي بصة فيها غل وغضب : لما خيري مات انا خدت الشقة دي مقر ليا و قعدت فيها وفي يوم

مامون : يعني انت فعلا كنت واقف

بسم الله الرحمن الرحيم إِنَّ عِبَادِي لَيْسَ لَكَ عَلَيْهِمْ سُلْطَانٌ ۚ وَكَفَىٰ بِرَبِّكَ وَكِيلً

اعوذ بالله من ازات واستفزازات واستهواءات الشياطين ومن اغواء واضلال وتخييل الشياطين .

بقلم حسن الامير العريني

الشيطان ده رمى الشيخ على الارض و ابتدى يتخبط في الحيطان والشيخ مش مؤقف قراية قران

قزح : انت جنسك ايه مستحيل تكون من ابناء ادم مفيش انسي بيقدر عليا

قزح : انتوا اللي استدعتوني وطلبتوا العون مني

الشيخ وفائي : اللي استدعاك راح للي خلقة ولو مش عايز تحصلة امشي من هنا والا هحرقك

ولسه الشيخ وفائي هيقرا قران تاني

محمد : باشا اخبارك ايه

مامون : محمد هتجيب قوة دلوقت وعربيات اسعاف وهتطلع بحملة على بيت خيري فاكره عشان هتلاقي هناك حاجات كتير قوي

محمد : حاجات ايه يا مامون هو ايه اللي حصل

مامون : محصلش حاجة وبقولك ايه البلاغ ده جايلك من مجهول فاهمني من مجهول

تمت بحمد الله

بقلم حسن الامير العريني

بحث هذه المدونة الإلكترونية

جريدة الوطن الكبير يجمعنا

الكاتب حسن الأمير العريني قصة بعنوان قضية ضد مجهول

تعليقات

إرسال تعليق

المشاركات الشائعة من هذه المدونة

الشاعر عبد الفتاح السمنودي قصيدة بعنوان معطيات

الكاتب حسن الأمير العريني والمجموعة القصصية الكاملة لسلسلة الرعب موثقة من قبل جريدة الوطن الكبير يجمعنا الإلكترونية

الفائزة الثانيه الكاتبة هبه قطب قصة بعنوان صدفة